Zabuli 11 - Biblia Kikutu

ZABULI YA 11

(Kwa kilanja, Zabuli ya Daudi.)

¹ Mndewa Imulungu ayo inimkimbilile, habali monongela, “Guluka kamba ndege ako kulugongo,

² kwavija lola iwanhu wehile okwega upinde, wawika goya umsale, ili wawatowe mdiziza iwanhu wanogile.

³ Kamba vandusilo vibanangika, imunhu yanogile kotenda choni?”

⁴ Mndewa Imulungu ka mng'anda yake ing'ala, kigoda cha undewa cha Mndewa Imulungu cha kuulanga, kwa meso gake kowalola iwanhu, na kojuwa gose gotendigwa.

⁵ Mndewa Imulungu, kowageza iwanhu wanogile, lakini kowehila iwanhu wehile na iwanhu wasede.

⁶ Kowatowela iwanhu wehile mvula ya makala ga moto, moto na mabwe gokwaka na vuke dokuwa fungu jao.

⁷ Kwavija Mndewa Imulungu kotenda ganogile, konogezwa na ganogile, iwanhu wanogile ochona kihanga chake.