Zabuli 101 - Biblia Kikutu

ZABULI YA 101

(Zabuli ya Daudi.)

¹ Nokwimba unogelo wako hawishaga na haki yako, gweye Mndewa Imulungu nokwimbila lwila lwa nhogolwa.

² Noigoga nzila igoloke. Kokwiza lini kumwangu? Niye nosang'hana kwa moyo unogile mng'anda yangu.

³ Sikwika mgameso gangu mbuli ya gehile. Sang'hano ya awo otenda gehile noihila, na niye siilumba na hewo bule.

⁴ Moyo wa udulu usegele kumwangu, noinega na kila kinhu kihile.

⁵ Munhu yomdeta miyage niye nomsegesa, simuleka imunhu yoitapa na mwene kibuli.

⁶ Nowalola kwa ganogile iwanhu otamanilwa, ili wakale hamoja na niye. Wanhu weli na mizoyo inogile awo onda wanisang'hanile.

⁷ Chakubimbi hakala bule mng'anda yangu, Imunhu yolonga uvizi, honda yeme kuulongozi wa meso gangu.

⁸ Imitondo mbaka imitondo nowabananga, wanhu wose wehile mwiisi. Nowatenda wainege wose otenda gehile, okala kutali na buga da Mndewa Imulungu.