Zabuli 100 - Biblia Kikutu

ZABULI YA 100

(Zabuli ya kushukulu.)

¹ Mdeng'heleleni Mndewa Imulungu kwa deng'ho, gweye isi yose.

² Mtambikileni Mndewa Imulungu kwa deng'ho. Izoni kuulongozi wake kuno mokwimba kwa deng'ho.

³ Mujuwe kamba Mndewa Imulungu ayo Imulungu. Heyo ayo yatulumbile na siye twa wanhu zake, twa wanhu zake na ng'hondolo wake odimigwa.

⁴ Ingileni mmilango yake kwa kushukulu, kuuluwa lwake kwa kumtogola, mtogoleni na mdigwelele nhogolwa twaga jake.

⁵ Kwavija Mndewa Imulungu ayo yanogile, unogelo wake hawishaga okala milele, na kutamanilwa kwake ulelo mbaka ulelo.