Zabuli 1 - Biblia Kikutu

ZABULI YA 1

¹ Kamweda imunhu hacholaga mvitala va iwanhu otenda gehile, na hakwima bule mnzila ya iwanhu otenda nzambi, na hakala bule mvigoda va iwanhu wagewezi,

² lakini kogadeng'helela malagizo ga Mndewa Imulungu, na kogagelegeza imisi na ikilo.

³ Ayo kaigala na biki dihandigwe kumgwazo wa vizanda, dolela matunda mkipindi chake, mijani yake hainyalaga. Kila kinhu kiyotenda chomweda.

⁴ Iwanhu wehile haweli vivo, lakini waigala na mipepe ihembeluswa na beho.

⁵ Avo iwanhu wehile ogwa kipindi cha nhaguso, na iwanhu wene nzambi honda wawe mumo mumting'hano wa iwanhu wanogile,

⁶ kwavija Mndewa Imulungu koijuwa inzila ya iwanhu wanogile, lakini inzila ya iwanhu wehile yohelela mkupotela.