SHIIMBO SHA DAWIDI 98 - Bibilia Kui Mdedie fo Kimochi

Ruwa mwitoṟi o wuyana wose

¹ Imbienyi Mndumii kiimbo kihya, kipfa nalewuta mbonyi tsa kiṟiha! Owoko loke lo kulyo o amonyi, owoko loke luele lulemwutia okiṟo.

² Mndumii naledambuya okiṟo loke, mesonyi ha mkambo ya wandu, naleṟingishia wusumhanyi woke.

³ Nalekumbuo isaṟia lyake, na wuhendeli woke ko mba ya Israeli. Mtsitsionyi yose ya wuyana ilewuwona, okiro lo Ruwa odu.

⁴ Adapfumenyi Mndumii, wuyana wose, irienyi maṟu, imbenyi na sia, imbenyi shiimbo.

⁵ Imbienyi Mndumii Shiimbo kui kinubi, Ko kinubi na ṟu lya Shiimbo.

⁶ Kui ikoṟoṟoma na ṟu lya iranda. Adapfumenyi oshangunyi lo Mangi, Mndumii.

⁷ Ipalyipalyi lidihine na shose shiichuṟiepfo, wuyana na iwo wose waipfo.

⁸ Meda na ikapekape mawoko, mafumvu haimbe handu hamu kui sia.

⁹ Oshangunyi lo Mndumii; kyamba naicha naanduye oruka, nechianduya, wuyana kui sungusihu, ma mkambo ya wandu kya waria.