SHIIMBO SHA DAWIDI 8 - Bibilia Kui Mdedie fo Kimochi

Kiṟumi kya Ruwa na wunene wo wandu

(Ko msongoru o weimba shiimbo: kui ofano lo Gitithi. Shiimbo sha Dawidi)

¹ Iyo Ruwa, nyi Mndumii odu, Chando rina lyapfo liwode kiṟumi wuyanenyi kose! Lyo kulewika kiṟumi kyapfo ruwehu;

² Madumbunyi ha wakoku waionga Nyi uwikie njotende tsa pfinya; Kipfa kya iwo wailimbana na iyo. Toromisha wakituwa na wetaa kiṟaache.

³ Ngaambuya ngina, tsapfo, iṟunda lya shimnyo shapfo, Meeri na nyenyeri chando utsiachikie.

⁴ Mndu nyi kiki itane omkumbuo, Na mndu o wandu itane omwambuya?

⁵ Nyi amuumbe mtutu kota Ruwa Nyi umṟikie oṟo ya kiṟumi na wuindi.

⁶ Nyi ulemshimbuo kui iṟunda lya mawoko hapfo, Nyi uwikie shindo shose shi ya madende hake.

⁷ Machoondi, na mmbe tsose da; Ee-da, na mando ha ngeṟenyi.

⁸ Malehe ha ruwehu na makunga ha mṟingenyi na orio kyekyeida njia tsa ipalyipalyinyi.

⁹ Iyo Ruwa, nyi Mndumii odu Chando rina lyapfo liwode kiṟumi wuyanenyi kose!