SHIIMBO SHA DAWIDI 61 - Bibilia Kui Mdedie fo Kimochi

Iterewa wuringi

(Ko Msongoru o waimbi: na shishia sha ndusu tsekapa shiimba. Kiimbo kya Dawidi)

¹ Hoi Ruwa, keadanyia kifuhiyo kyako, uadanyie shiterewo shako.

² Wokia mtsitsionyi fo oruka, njechikufuhia na ilehela mrima, unjisongoye ihohu lya iṟaṟa njilechiidima ilido.

³ Kipfa nyi uwekeri kidichio kyako, omombo loko luwode pfinya, mkituwa nalanjiwonye mwaanya.

⁴ Njekilekana na mba yapfo mlunganapfo, njechidichia shiya makungo hapfo njiowe.

⁵ Kipfa iyo Ruwa, nyuleicho shaasa shako, noleinenga kyoṟa walya waowoye rina lyapfo.

⁶ Nochiengera mfiri ya mangi, maaka ya moo foke yechifo cha ya shishari shifoi.

⁷ Nechikaa oshangunyi lo Ruwa mlungana, wawasa isaṟia na wulohi shimwiṟiche.

⁸ Nyiwudo njechiimbia rina lyapfo mlungana, Kundu njiawutsie shaasa shako orio mfiri.