SHIIMBO SHA DAWIDI 6 - Bibilia Kui Mdedie fo Kimochi

Kiterewo kiheri kya Wukiwa

(Ko mosongoya weimba shihiya sha ndusu - shinanda sheimba. Shiimbo ya Dawidi)

¹ Mndumii, ulanjidedie na nyashi yapfo, Manya ulanjikape na imarisa.

² Mndumii, unjileheṟe, kipfa njikeri-naa, Mndumii unjichiṟe mafuo hako haawa.

³ Njiawo nyi moo mnu nakamu, Na iyo, mndumii nochitsia mṟasa indii?

⁴ Mndumii kewuya unjitarame. Unjikiṟe kipfa kya isaṟia lyapfo.

⁵ Kiidi kya opfu kuwodeho ngumbuopfo, Ko wai shi nyiu echikuana.?

⁶ Ngarohyo kya iwawio ling'anyi, Njekekusaṟa ili ngalaa kio. Mchenyeṟe yako ikachoweṟa handu helaa.

⁷ Riso lyako lyawikya meema kipfa kya wukiwa, Ngakuo njilashika kipfa kya shirumo.

⁸ Njiwukenyi nyo wewuta sha mkika, Kipfa Mndumii ameicho kifuhiyo kyako.

⁹ Mndumii, ameicho kiterewo kyako, Mndumii ameidikya kifuhyo kyako.

¹⁰ Wakituwa wako wose wechiṟenze na inenewuka, Wechiwuya numa na iomboka oweṟe.