SHIIMBO SHA DAWIDI 54 - Bibilia Kui Mdedie fo Kimochi

Kiterewo kyekuringa na wakituwa

(Ko Msongoru o waimbi: na shihiya sha ndusu tsekapa shiimbo. Kiimbo kya Dawidi kiheri mndu umu kuwuka Zifu alehendia Sauli na immanyisha ke Dawidi naowie ipfo kowo)

¹ Hoi Ruwa, kui rina lyapfo unjikiṟe, na kui pfinya yapfo unjianduye.

² Hoi Ruwa, uicho shiterewo shako, uadanyie madedo ha dumbu lyako.

³ Kipfa wahenu wanjiiria shida, wandu waoweshie waishiha mrima foko, wawikie Ruwa oshangunyi lowopfo.

⁴ Ambuya, Ruwa nyio ekyenjitarama, Mndumii nyio ekyeṟihika moo foko.

⁵ Nechiwihiṟia wakituwa wako wuwicho wowo; Warumatse kui wuhendeli wopfo.

⁶ Kui mrima fukunyiiṟye njechiwuta kidaso; hoi mndumii, njechiadapfuma rina lyapfo, kipfa lilicha.

⁷ Kipfa lyanjikiṟa na orio kii kiwicho, na riso lyako lyaidikia, kui iambuya wakituwa wako.