SHIIMBO SHA DAWIDI 53 - Bibilia Kui Mdedie fo Kimochi

Mndu alakeindia Ruwa

(Ko Msongoru o waimbi: ko ofano lo Mahalathi. Kiimbo kya Dawidi)

¹ Mndu tondo nyalehamba mrimenyi, “Huwode Ruwapfo!” Wawutie wuwicho na ngafu tsiteṟefutsie, kuwode mowuta mechapfo.

² Wuka ruwehu Ruwa naleimehya wandu, nawonepfo kokoya kuipfo mndu mṟango, moshiha Ruwa.

³ Orio mndu nedekie, wai waporu wose, kuwode mchapfo, Ote! Manya umupfo.

⁴ “Ale ngesa! Wewuta mawicho waichi? Wekelya wandu wako cha ili wailya mkate, walelaha Ruwapfo!”

⁵ Nyi hondu waleowuo handu halaweoweshie, kipfa Ruwa naleolaola mafuo ha ulya alekutengetia. Kulewahutsia sonu, cha Kipfa Ruwa nalewamina.

⁶ Samanya okiṟo lo Israeli luwuke ipfo Sioni! Nyi Ruwa kechiwihiṟa wapfungo wa wandu wake; Yakobo naweitola kya sia, Israeli nechifuda.