SHIIMBO SHA DAWIDI 14 - Bibilia Kui Mdedie fo Kimochi

Wuwicho wo wandu

(Ko msongoru o waimbi: Shiimbo sha Dawidi)

¹ Mndu tondo nyalehamba, mrimenyi foke; Kuwode Ruwapfo; walenyamaṟa ohendo lowo kui ngafu, kuwode mowuta mecha pfo.

² Kuwuka Ruwehu, Mndumii kaimehya wandu, Nawonepfo kokoya kuipfo mndu mṟango, Moshiha Ruwa.

³ Woose warendemke, wawaporu wose riti, kuwode mowuta mecha pfo Oo manya umupfo.

⁴ Ngesa wose waichi iwo wekewuta mawicho? Wekelya wandu wako chandu wekelya mkate, Wekelaha Mndumii pfo.

⁵ Nhondo walewado nyi wuowu wung'anyi Kipfa Ruwa nyi ai na kishari kya wa wusumhanyi.

⁶ Nkili muifanyitsa ngafu mbonyi tsa mndu mfafa? Indi Mndumii-Ruwa nyi ai kidichionyi kyake.

⁷ Kiwechichia kokoya okiṟo lo Israeli luwewuka Sioni Kiheri Mndumii apfunguo wandu wake; Yakobo nyechikesa Israeli nyechichihiyo.