SHIIMBO SHA DAWIDI 127 - Bibilia Kui Mdedie fo Kimochi

Iṟunda lya mndu o wandu nyi wulya kulawode Ruwa

(Kiimbo Kehenda Huye, kya Solomonyi)

¹ Mndumii kada alawika mba, walya wewika waiṟunda iṟunda lya wulya. Mndumii kada alaringa mṟi, ichu mofuringa nailaa dembo wulya.

² Iṟunda lyanu nyi lya wulya, muikure ngamenyi otuko, mkafurumia ihenda ilaa, na ilya shelya kui ngataṟa; O nekeinenga mkunde oke mado.

³ Ambuya, wana nyiwo kioṟa kya Mndumii, ufee wo wusunyi nyi wueri.

⁴ Chando mfi ikeri mawokonyi ha mbahanyi, nyi wudo wai wana wa rikenyi.

⁵ Wungusu mndu ulya aichuṟie ado shaha yake. Ee da, wechikapo nyi sonu, ilyi wechededa na mesa alya kichuminyipfo.