SHIIMBO SHA DAWIDI 12 - Bibilia Kui Mdedie fo Kimochi

Iterewa Kitarama

(Ko msongoru o waimbi: Kui ofano lo Sheminithi. Shiimbo sha Dawidi)

¹ Mndumi, kiṟa, kipfa ulya akuidikye nyi adumbuka, Kyamba wahendelyi wadeka kiidi kya wandu.

² Wekewiana shilawaṟi orio mndu na odoye Wawode madumbu hekushela; wakawiana kui mrima ya ikulembetseṟa.

³ Mndumii nyi echitushiṟa moomu yose yekushela, Na orio olimu luwode madedo ha orikiki;

⁴ Walya wahambie, Lochiwinga kui njolimi tsadu, Madumbu hadu nyi hadu luwenyi, Nyiu ai mndumii huyadu?

⁵ Kipfa kya iwonyio lya wafafa, Kipfa kya isumkia lya wahuṟi, Wulalu njechihoṟoka; Mndumii ahamba, Njechiringa ichu waimpiṟa.

⁶ Madedo ha Mndumii hai Maele, Hafananyi na fesa injikoṟe modonyi, iya wuyana; Injisanje ka mfungade.

⁷ Iyo, Mndumii, nyi iyo ochiluringa, Ochiluringa na kishari-ki mlungana.

⁸ Walai wecha wekehenda njoora tsose, Mbonyi tsa ngafu tsikaṟuṟuma kiidi kya wandu.