SHIIMBO SHA DAWIDI 110 - Bibilia Kui Mdedie fo Kimochi

Ishimbuyo lya Mangi msambuṟe

(Kiimbo kya Dawidi)

¹ Idedo lya Mndumii ko mndumii oko: “Nodamie owoko loko lo kulyo, tane ngawika wakituwa wapfo, ikaa shi ya madende hapfo.”

² Mndumii nechiloṟa kuwuka Sioni, ndichi ya pfinya tsapfo. Nowade iitoṟia wakituwa wapfo wose.

³ Wandu wapfo wekekuwuta kui mrima, mkonu ochihenda ikapa watuuri wapfo; wanake wapfo wechikuchea huye ya mafumvu hapfo maele; cha mlewi fuioloka ngamenyi kilawo.

⁴ Mndumii nalelya nyamu, Mamya echiilachapfo. “Iyo nyi mkohanyi tane mlungana, kui mfanano fo Melikizedeki.”

⁵ Mndumii nakeri owoko lopfo lo kulyo; nechipoṟipotsa wamangi, mfiri fo tuke yake.

⁶ Nechianduya kiidi kya wa mkambo, nechiichuṟa wuyana mnying'a; nechipoṟipotsa mdo njorukenyi tsifoi.

⁷ Nechinyo mṟinga ya meda njienyi; ko ikyo nechiiria mdo foke.