SHIIMBO SHA DAWIDI 11 - Bibilia Kui Mdedie fo Kimochi

Ikusiria Mndumii

(Ko msongoru o waimbi: Shiimbo sha Dawidi)

¹ Njiledichia Mndumii. Nkili muiwia mrima foko, Dicha cha kilehe mafumvunyi hanu?

² Kipfa, ambuya, walya watahachi wawode uda, Wateseheṟie mfi yawo, kiidi kya shaha, Walase walai na mti meemenyi.

³ Kokoya njotende tsenyamaṟika, Menyi wulohi nkiki echiwuta?

⁴ Mndumii nyakukerie hekalunyi lyake lyele. Mndumii-chu awode kitima kyake ruwehu, meso hake hakeri iambuya; Mbawa tsake tsihesha wandu.

⁵ Mndumii nyi akeri ihesha wai wasumhanyi Indi mrima foke fusuo alasumhanyi, Na ulya akundi sha mbaka.

⁶ Naolotse mdeho foke ko watahachi, Modo fo kibiriti na otanu lo ngumia, Isho shiwe mooko fowo.

⁷ Kipfa Mndumii nyi o wusumhanyi, Nyi akundi mawuto hasumhanyi Walya wahoṟotsu kui mrima wechimbona.