SHIIMBO SHA DAWIDI 1 - Bibilia Kui Mdedie fo Kimochi

KITAPU KYA KUWOOKA

¹ Nanga mndu ulya alakehenda hamu na wandu wa mkika, Manya ihoṟoka sumhana na wandu wadeko, Manya idamia mengenyi ya wameluki,

² Kyaindi chila ya Mndumii yo imchihiṟie, Chila yake nyi ekeiringa mfiri na kio.

³ Nyechifanana na ikidi lilidonge Mbai ya soka tsa mṟinga, Lyekekumbia ndunda kui kiheri kyalyo, Maṟa halyo hechinaa malepfo; Orio kindo echikitana nyi kechiawukya.

⁴ Chi wudo wai wamkikapfo, Wo wai cha muulu fuiwiwito nyi otanu.

⁵ Ko ikyo wamkika Wechihoṟoka mengenyipfo, Manya wadeko wechikaa chilenyi ya wasumhanyipfo.

⁶ Kipfa Mudumii nyi aichi njia ya wasumhanyi, Indi kyama kya wamkika nyi kechideka.