Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Ṭahhlapawl 5 - Khualsim Bible


Naktiah Dilnak

1 Maw Bawipa, kan cung tlungmi cingkeng hram; kan mualpho zoh in hmu hram!

2 Kan rosar cu tluangmi sin, kan runinn cu misiing sinah, liamtia cang hna ee.

3 Ngakṭah cangtia hu ee pa ngeilo’n; sunghno kan nule cu hmeinu cangtia u ee.

4 Kan din ding ti man piak hau; kan tihthing ni lei a hau.

5 Kan hngawng parah seihnam rum, rauh tuk ih mawng tuar ai hu; kan re thei ee, diintiaknak piak tong lo ni.

6 Khopkhim awkdin ngah lei nak, Izipt, Assiria thawn, lungtling in bia kan kam ee.

7 A tlei romcia kan pupa hna ni, an sual liangluang cavangah, acu kan ron tuar leen maw.

8 An lal tuk salhna kan cung, an kut in santu om lo’n.

9 Kan nun ṭihphan-om lakah, ticaw awkka kawl leen hu, ramṭhing ah kinthang naam lian hraang hluan in.

10 Mi ursaktu mangṭaam sat vaangahkhin, lungthu mang dum kan phaw hi.

11 Samthlairemle Zion ah, lenghriimle Judah ah, lungsilo’n tlaihhren ih bal tong hna maw.

12 An ralle ni an mangbawile an kut thlai piak hna; an mi upale rual, ahu ih upat tong loin.

13 Thlanghnun valrual cawrial ceengkalh hna, thing rit phur hna hawr leen in.

14 Hausale an hauhnaar an kaltaak cang hna, seemnorual ni an awnmawi khi an ṭhinter.

15 An ṭhing cang ee kan thinlung om lungawinak; kan laamnak cu kan lungzuurnak ah cang thla ee.

16 Kan lu cung in sui hniarza rong tla cang ee; kan hmaka pit ee, kan sual cang cutang!

17 Hipawl vangah kan lung an faak ee, ahipawl vangah kan mit le ni mal cuamco.

18 Zion Tlang khi ṭio in ṭhing ruahro; ram-uile ni an dawt in tlongleeng a parah.

19 Maw Bawipa, nang cu kumkhua in mang ci; na toṭhiang cu san khat hnuk san khat in nguh tluan ee.

20 Zeica’h maw man hmilh cikcek in, ahi tik caan man hlaw ci?

21 Maw Bawipa, na sin tundiinṭhannak lei, Na zungza’n man tungdiingṭhan; hinhlan kan nicaan mangkhin, tharsuah hngai hram law—

22 Punpuhluk leh riteek lo’n, man hnon leh un ceng lo ’cun.

Khualsim Holy Bible © Bible Society of Myanmar, 2021.

Bible Society of Myanmar
ကြှနျုပျတို့နောကျလိုကျပါ:



ကြော်ငြာတွေ