SAAM LABU 136 - Khualsim Bible

Seemsuahnak, Santhuanthu, ah Pathian Rianṭuan

¹ Bawipa hemah lungawithu sim u law, icatile amah cu a ṭha, a hmunmi a dawtnak cu kumkhua a nguh.

² Khuazingpawl ih Pathian hemah lungawithu sim u law, icatile a hmunmi a dawtnak cu kumkhua a nguh.

³ Bawipawl ih Bawipa hemahcun lungawithu sim u law, icatile a hmunmi a dawtnak cu kumkhua a nguh;

⁴ amah ceu a pipami donharṭhapawl vua tu cu, icatile a hmunmi a dawtnak cu kumkhua a nguh;

⁵ a tinnak in vanpawl a vua hngai tu cu, icatile a hmunmi a dawtnak cu kumkhua a nguh;

⁶ vulei cu ti parah a phar tu cu, icatile a hmunmi a dawtnak cu kumkhua a nguh;

⁷ khuatleu hnem pipi vua tu cu, icatile a hmunmi a dawtnak cu kumkhua a nguh;

⁸ ni cu sun a uksak tu cu, icatile a hmunmi a dawtnak cu kumkhua a nguh;

⁹ thlapa leh arsipawl cu zan a uksak tu cu, icatile a hmunmi a dawtnak cu kumkhua a nguh.

¹⁰ Izipt mipawl an tia upatleng a thah piak hngai tu cu, icatile a hmunmi a dawtnak cu kumkhua a nguh;

¹¹ cun anmah hemin Israel mi a suahsak hngai tu cu, icatile a hmunmi a dawtnak cu kumkhua a nguh;

¹² a dikmi kut leh a pharmi baan rum a suahsak hngai tu cu, icatile a hmunmi a dawtnak cu kumkhua a nguh;

¹³ Rili San pahnih ah a ṭhen tu cu, icatile a hmunmi a dawtnak cu kumkhua a nguh.

¹⁴ Cun Israel mipawl a laisim in a tansak hngai tu cu, icatile a hmunmi a dawtnak cu kumkhua a nguh;

¹⁵ Faraoh leh a ralkapbuur zong cu Rili San sungah a zam hngai, icatile a hmunmi a dawtnak cu kumkhua a nguh;

¹⁶ a mipawl ramṭhing tanpah in a hruai hngai tu cu, icatile a hmunmi a dawtnak cu kumkhua a nguh;

¹⁷ a pipami siangphahrangle a siatsuah hngai tu cu, icatile a hmunmi a dawtnak cu kumkhua a nguh;

¹⁸ cun minthang siangphahrangle a that hngai tu cu, icatile a hmunmi a dawtnak cu kumkhua a nguh;

¹⁹ Amor mi siangphahrang Sihon a that tu cu, icatile a hmunmi a dawtnak cu kumkhua a nguh;

²⁰ cun Bashan siangphahrang Og a that tu cu, icatile a hmunmi a dawtnak cu kumkhua a nguh;

²¹ cun an ram rosar dingih a pia hngai tu cu, icatile a hmunmi a dawtnak cu kumkhua a nguh.

²² a tungsau Israel hemah rorah a pia tu cu, icatile a hmunmi a dawtnak cu kumkhua a nguh.

²³ Kan diinhmun nau lioah a man mang tu cu amah a ii, icatile a hmunmi a dawtnak cu kumkhua a nguh;

²⁴ culeh kan ralle hemin a man rungsuak, icatile a hmunmi a dawtnak cu kumkhua a nguh;

²⁵ a nungmi an zate hemah caw a pia hngai tu cu amah a ii, icatile a hmunmi a dawtnak cu kumkhua a nguh.

²⁶ Vancung Pathian hemah lungawithu sim u law, icatile a hmunmi a dawtnak cu kumkhua a nguh.