PROBERB 26 - KA BAIBL

¹ Kum ka ïor mynlyiur, bad kum u slap ha ka aïom ot, kumta ka burom kam i dei ïa u babieit.

² Kum u sim ïing ha la ka jingher sakma, kum u lyntait ha la ka jingher, kumta ka jingtim kaba khlem daw, kam wan.

³ Ka jingsympat ïa u kulai, u lakam ïa ka kadda, bad u thri ïa ka ingdong ki babieit.

⁴ Wat phai ktien ïa u babieit katba kum ka jingbieit jong u, ïoh ba me ruh men long syriem ïa u.

⁵ To phai ktien ïa u babieit katba kum ka jingbieit jong u, ïoh ba un long u bastad ha la ka jong ka jingñiew.

⁶ Uta uba phah lam ktien da u babieit u ot noh ïa la ki jong ki kjat, bad u dih ïa ka jingduh.

⁷ Ki kjat jong u ba-dkoh ki shu sdien tyngjang: kumta long ka pharshi ha ka shyntur ki babieit.

⁸ Kum ki mawlynnai shi pla ha ka kynton maw, kumta long uba burom ïa u bieit.

⁹ Kum u shiah uba ngam sha ka kti uba buaid, kumta, long ka pharshi ha ka shyntur ki babieit.

¹⁰ Kum u nongsiat khnam uba pynmynsaw ïa baroh, kumta, long uba wer nong ïa u babieit bad uba wer nong ïa kita kiba shu wan lap.

¹¹ Kum u ksew uba leit phai sha la ka prie, kumta long u babieit uba nang leh nang leh ïa la ka jingbieit.

¹² Me ïohi ïa u bastad ha la ka jong ka jingñiew? kham kyrmen ïa uba bieit ban kum ïa uta.

¹³ Uba alhia u ong, “Don u sing ha lynti; u sing u don ha ki lynti shnong.”

¹⁴ Kumba ka jingkhang ka phai ha ka tnaw, kumta u alhia u leh ha la ka jingthiah.

¹⁵ U alhia u thep ïa la ka kti ha ka pliang; u sngewshitom ban rah ïa ka pat sha la ka shyntur.

¹⁶ U alhia u kham stad ha la ka jong ka jingñiew ban ïa hynñiew ngut kiba sei nia.

¹⁷ Uta uba shu ïaid najan, bad u pynshitom ïa lade ha ka jingïaleh ka bymdei ei ei ïa u, u long kum uba bat ïa u ksew na ki shkor.

¹⁸ Kum uba lamwir uba shat ïa ki dieng tyllaw, ïa ki khnam, bad ïa ka jingïap;

¹⁹ kumta, long u briew uba shukor ïa la u paramarjan, bad uba ong, “Nga leh thamula ne em?”

²⁰ Ha bymdon dieng shuh ka lip ka ding: bad ha ka bymdon uba lorni, ka duh ka jingïapyneh.

²¹ Kumba long ka 'dewïong ïa ki rnga barhem, ki dieng ïa ka ding; kumta long u briew uba shait ïakajia ban pynmeh ïa ka jingïaleh.

²² Ki ktien uba lorni ki long ki khutia babang, bad ki hiar sha ki bynta ba kham shapoh jong ka kpoh.

²³ Ki rmiang shyntur kiba shit bad ka dohnud bymman ki long kum u khiew khyndew ba la suit da ka eit rupa.

²⁴ Uta uba shun u leh arsap da la ki rmiang shyntur, hynrei, u tyngkai ïa ka jingshukor hapoh jong u:

²⁵ haba u kren jem, wat ngeit ïa u; naba hynñiew ki jingijli ki don ha ka dohnud jong u:

²⁶ la ka jingshun jong u ka tap ïa lade da ka jingshukor, ïa ka jingbymman jong u yn pynpaw shai ha khmat ka jingïaseng.

²⁷ Jar uba tih ïa ka 'liewlep un hap ha ka: bad uta uba pyntyllun ïa u maw, un wan phai halor jong u.

²⁸ U thylliej uba lamler u shun ïa kita kiba u la pynmong; bad ka shyntur kaba arsap ka pynlong ka jingpynjot.