PROBERB 18 - KA BAIBL

¹ Uta uba pynkyrpang ïa lade u wad ïa la ka jong ka jingkwah, bad un bitar lep ïa ka jingstad kaba shisha baroh.

² U babieit um don jingsngewbha ha ka jingshemphang, hynrei, tang ba ka dohnud jong u kan pynpaw ïa lade.

³ Haba wan u bymman, ka wan ruh ka jingbeiñ, bad lem bad ka jingjahburom ka wan ka jingrkhiebeiñ.

⁴ Ki ktien ka shyntur u briew ki long kum ki um kiba jylliew; ka pukri ka jingstad ka long kum i wah batuid.

⁵ Kaba shah shiliang ïa u bymman kam long ka babha, lymne kaba pynbakla ïa u bahok ha ka jingbishar.

⁶ Ki rmiang shyntur jong u babieit ki bsut sha ka jingïapyneh, bad ka shyntur jong u ka dawa ïa ki jingsympat.

⁷ Ka shyntur u babieit ka long ka jingpynjot jong u, bad ki rmiang shyntur jong u ki long ka jingriam ka mynsiem jong u.

⁸ Ki ktien jong uba lorni ki long kum ki khutia babang, bad ki hiar sha ki bynta kiba kham shapoh ka kpoh.

⁹ Uta ruh uba jaipdeh ha la ka kam u long uba shipara bad uta uba pynsyrwa.

¹⁰ Ka kyrteng U Trai ka long ka kut baskhem: u bahok u phet sha ka, bad u skhem.

¹¹ Ka spah jong u bariewspah ka long ka shnong bakhlaiñ jong u, bad kum ka kynroh bajrong ha ka jingtharai jong u.

¹² Ha shuwa ka jingjot, ka dohnud u briew ka sarong, bad ha shuwa ka burom, leit ka jingsngewrit.

¹³ Uba ai jubab haba um pat ïohsngew, ka long ka jingbieit bad ka jinglehrain ïa u.

¹⁴ Ka mynsiem u briew ka kyrshan ïa ka jingtlot jong u: hynrei, ka mynsiem balwet uei uba lah ban shah?

¹⁵ Ka dohnud u basian ka ïoh ïa ka jingtip: bad ka shkor u bastad ka wad ïa ka jingtip.

¹⁶ Ka jingai sngewbha u briew ka pynkylluid jaka ïa u, bad ka wallam ïa u ha khmat ki briew ki bakhraw.

¹⁷ Uta uba ïasaid shuwa ïa la ka kam, u imat hok; hynrei, u paramarjan jong u, u wan bad u khmih ïit ïa u.

¹⁸ Ka jingkhalai ka pynwai noh ïa ki jingïapyneh, bad ka pynkhlad hapdeng ki bakhlaiñ.

¹⁹ U para ïa uba la pynsngewsih u kham eh ban jop ban ïa ka shnong ka bakhlaiñ: bad ki jingïapyneh kat kita ki long kum ki narkhang ka ïing kut.

²⁰ Ïa ka kpoh u briew yn pyndap da u soh ka shyntur jong u; bad da ka jingmih ki rmiang shyntur jong u yn pynkdang ïa u.

²¹ Ka jingïap bad ka jingim ki long ha ka bor u thylliej; bad kita kiba ieit ïa u kin bam ïa u soh jong u.

²² Jar uba ïoh ïa ka tnga u ïoh ïa kaei kaei ka babha, bad u shem ka jingisynei na U Trai.

²³ U baduk u ïakyrpad: hynrei, u bariewspah u phai ktien da kaba eh.

²⁴ Uta uba bun lok, ka long ba un jot ïa lade: hynrei, don u lok uba neh kham skhem ban ïa u para.