NEHEMAÏAH 7 - KA BAIBL

Kaba thung ïa ki nongap ïa ka Jerusalem

¹ Bad haba la lah tei ïa ka kynroh, bad ba nga la lah pynïeng ïa ki jingkhang, bad ba la thung ïa ki nongap jingkhang bad ïa ki nongrwai bad ïa ki Lebi,

² nga la ai hukum ïa u Hanani u para jong nga, bad ïa u Hananiah u nongsynshar ka ïing phira, shaphang ka Jerusalem: namar u long u briew uba ïaineh, bad uba kham sheptieng ïa U Blei ban ïa kiba bun.

³ Bad nga la ong ha ki, “Wat ai ba yn plie ïa ki khyrdop ka Jerusalem tad ynda ka la shit ka sngi: bad katba kin ïeng ban ap, to kin khyrdep ïa ki jingkhang, bad khang ma phi: bad buh ki jingap kylliang na ki trai-shnong Jerusalem, uwei pa uwei ha la ka jingap jingap, bad uwei pa uwei marpyrshah ïa la ka ïing.”

⁴ Bad kane ka nongbah ka la long kaba ïar bad kaba khraw: hynrei, ki briew ha ka ki la long kiba khyndiat, bad ym shym la tei ïa ki ïing.

Ka jingkheiñ ïa kiba la wan phai pat bad ka jinghiar pateng jong ki

⁵ Bad U Blei jong nga u la buh ha ka dohnud jong nga ban ïalum lang ïa ki bakhraw batri, bad ïa ki nongsynshar, bad ïa u paidbah, ba yn kheiñ ïa ki katba kum ka jingkha pateng jong ki. Bad nga la shem ïa ka kitab ka jingkha pateng jong kita kiba la wan kiew ha kaba nyngkong, bad nga la shem ba la thoh ha ka.

⁶ Kine ki long ki khun kata ka shnat, kiba la leit kiew na ka jingpynwir jong kita ïa kiba la ring noh, kiba u Nebukhadnessar u syiem ka Babilon u la ring noh, bad kiba la wan phai pat ha Jerusalem bad ha Judah, uwei pa uwei ha la ka shnong;

⁷ kiba la wan ryngkat bad u Serubbabel, u Jeshua, u Nehemaïah, u Asaraïah, u Ramiah, u Nahamani, u Mordekai, u Bilshan, u Mispereth, u Bigbai, u Nehum, u Baanah. Ka jingkheiñ ki rangbah u paidbah Israel:

⁸ ki khun u Parosh, ar hajar shispah hynñiewphew ar.

⁹ Ki khun u Shephatiah, laispah hynñiewphew ar.

¹⁰ Ki khun u Arah, hynriewspah sanphew ar.

¹¹ Ki khun u Pahath-moab, na ki khun u Jeshua bad u Joab, ar hajar phraspah khatphra.

¹² Ki khun u Elam, shi hajar arspah sanphew saw.

¹³ Ki khun u Sattu, phraspah sawphew san.

¹⁴ Ki khun u Sakkai, hynñiewspah hynriewphew.

¹⁵ Ki khun u Binnui, hynriewspah sawphew phra.

¹⁶ Ki khun u Bebai, hynriewspah arphew phra.

¹⁷ Ki khun u Asgad, ar hajar laispah arphew ar.

¹⁸ Ki khun u Adonikam, hynriewspah hynriewphew hynñiew.

¹⁹ Ki khun u Bigbai, ar hajar hynriewphew hynñiew.

²⁰ Ki khun u Adin, hynriewspah sanphew san.

²¹ Ki khun u Ater, na u Hesekaïah, khyndaiphew phra.

²² Ki khun u Hashum, laispah arphew phra.

²³ Ki khun u Besai, laispah arphew saw.

²⁴ Ki khun u Hariph, shispah khat-ar.

²⁵ Ki khun u Gibeon, khyndaiphew san.

²⁶ Ki rangbah Bethlehem bad Netophah, shispah phraphew phra.

²⁷ Ki rangbah Anathoth, shispah arphew phra.

²⁸ Ki rangbah Beth-asmabeth, sawphew ar.

²⁹ Ki rangbah Kiriath-jearim, Khephirah, bad Beeroth, hynñiewspah sawphew lai.

³⁰ Ki rangbah Ramah bad Gaba, hynriewspah arphew wei.

³¹ Ki rangbah Mikhmash, shispah arphew ar.

³² Ki rangbah Bethel bad Ai, shispah arphew lai.

³³ Ki rangbah kawei pat ka Nebo, sanphew ar.

³⁴ Ki khun uwei pat u Elam, shi hajar arspah sanphew saw.

³⁵ Ki khun u Harim, laispah arphew.

³⁶ Ki khun u Jerikho, laispah sawphew san.

³⁷ Ki khun u Lod, u Hadid, bad u Ono, hynñiewspah arphew wei.

³⁸ Ki khun u Senaah, lai hajar khyndaispah laiphew.

³⁹ Ki lyngdoh: ki khun u Jedaïah na ka ïing u Jeshua, khyndaispah hynñiewphew lai.

⁴⁰ Ki khun u Immer, shi hajar sanphew ar.

⁴¹ Ki khun u Pashur, shi hajar arspah sawphew hynñiew.

⁴² Ki khun u Harim, shi hajar khathynñiew.

⁴³ Ki Lebi: ki khun u Jeshua, u Kadmiel, bad na ki khun u Hodebah, hynñiewphew saw.

⁴⁴ Ki nongrwai: ki khun u Asaph, shispah sawphew phra.

⁴⁵ Ki nongap jingkhang: ki khun u Shallum, ki khun u Ater, ki khun u Talmon, ki khun u Akkub, ki khun u Halita, ki khun u Shobai, shispah laiphew phra.

⁴⁶ Ki Nethin: ki khun u Siha, ki khun u Hasupha, ki khun u Tabbaoth;

⁴⁷ ki khun u Keros, ki khun u Sia, ki khun u Padon;

⁴⁸ ki khun u Lebanah, ki khun u Hagaba, ki khun u Shalmai;

⁴⁹ ki khun u Hanan, ki khun u Giddel, ki khun u Gahar;

⁵⁰ ki khun u Reaïah, ki khun u Resin, ki khun u Nekoda;

⁵¹ ki khun u Gassam, ki khun u Ussa, ki khun u Phaseah;

⁵² ki khun u Besai, ki khun u Meunim, ki khun u Nephushesim;

⁵³ ki khun u Bakbuk, ki khun u Hakupha, ki khun u Harhur;

⁵⁴ ki khun u Basleth, ki khun u Mehida, ki khun u Harsha;

⁵⁵ ki khun u Barkhos, ki khun u Sisera, ki khun u Temah;

⁵⁶ ki khun u Nesiah, ki khun u Hatipha.

⁵⁷ Ki khun ki shakri u Solomon: ki khun u Sotai, ki khun u Sophereth, ki khun u Perida;

⁵⁸ ki khun u Jaala, ki khun u Darkon, ki khun u Giddel;

⁵⁹ ki khun u Shephatiah, ki khun u Hattil, ki khun u Pokhereth-hassebaim, ki khun u Amon.

⁶⁰ Ki Nethin baroh, bad ki khun ki shakri u Solomon, ki la long laispah khyndaiphew ar.

⁶¹ Bad kine ki la long kita kiba leit kiew na Tel-melah, u Tel-haresha, u Kherub, u Addon, bad u Immer: hynrei, kim lah ban pyni ïa ki ïing ki kpa jong ki, lymne ïa ka jingkha pateng jong ki, la ki la long ne em na Israel:

⁶² ki khun u Delaïah, ki khun u Tobiah, ki khun u Nekoda, hynriewspah sawphew ar.

⁶³ Bad na ki lyngdoh: ki khun u Hobaïah, ki khun u Hakkos, ki khun u Barsillai, uba la shongkurim ïa kawei na ki khun kynthei u Barsillai u nong Gilead, bad la khot ïa u da ka kyrteng jong ki.

⁶⁴ Kine ki la ïawad ïa la ka rejistor hapdeng kita kiba la kheiñ katba kum ka jingkha pateng jong ki, hynrei, ym shym la shem ïa ka: namar kata, la ñiew sang ïa ki, bad la kyntait ïa ki na ka kam lyngdoh.

⁶⁵ Bad u Tirshatha u la ong ha ki, ba kin ym ïoh bam na kiei kiei ki bakyntang tam, tad ynda un ïeng u lyngdoh uba don Urim bad Thummim.

⁶⁶ U paidbah baroh lang u la long sawphew ar hajar laispah hynriewphew,

⁶⁷ nalor ki shakri shynrang bad ki shakri kynthei jong ki, na kiba la don hynñiew hajar laispah laiphew hynñiew: bad ki la don arspah sawphew san ki nongrwai shynrang bad ki nongrwai kynthei.

⁶⁸ Ki kulai jong ki, ki la long hynñiewspah laiphew hynriew; ki khashor jong ki, arspah sawphew san;

⁶⁹ ki ut, sawspah laiphew san: ki kadda, hynriew hajar hynñiewspah arphew.

⁷⁰ Bad don kiba napdeng ki rangbah ki ïing ki kpa kiba la ïa-ai ha kata ka kam. U Tirshatha u la ai ha ka jingkynshew, shi hajar darik ka ksiar, sanphew ki khuri, sanspah laiphew ki jaiñkup lyngdoh.

⁷¹ Bad don kiba na ki rangbah ki ïing ki kpa kiba la ai ha ka jingkynshew kata ka kam, arphew hajar darik ka ksiar, bad ar hajar arspah maneh ka rupa.

⁷² Bad kata kaba la ai da kita kiwei pat na u paidbah, ka la long arphew hajar darik ka ksiar, bad ar hajar maneh ka rupa, bad hynñiewphew hynñiew ki jaiñkup lyngdoh.

⁷³ Kumta ki lyngdoh, bad ki Lebi, bad ki nongap jingkhang, bad ki nongrwai, bad kiba na u paidbah, bad ki Nethin, bad Israel baroh, ki la shong duh ha la ki shnong. Bad haba u 'nai hynñiew u la poi, ki khun Israel ki la don ha la ki shnong.