NEHEMAÏAH 11 - KA BAIBL

Kiba shong ha Jerusalem

¹ Bad ki rangbah u paidbah ki la shong sah ha Jerusalem: kiwei pat de na u paidbah ki la pynnoh ïa ki jingkhalai, ban wallam ïa uwei na shiphew ban shong duh ha Jerusalem ka nongbah bakhuid, bad ki khyndai bynta ha kiwei pat ki shnong.

² Bad u paidbah u la kyrkhu ïa kita ki briew baroh kiba la tyrwa sngewbha ïa lade ban shong duh ha Jerusalem:

³ Kine te ki long ki rangbah ka shnat kiba la shong duh ha Jerusalem: hynrei, ha ki shnong Judah uwei uwei u la shong ha la ka bynta trai ha ki shnong jong ki, kita ki long, ki Israel, ki lyngdoh, bad ki Lebi, bad ki Nethin, bad ki khun ki shakri u Solomon.

⁴ Bad ha Jerusalem ki la shong kiba na ki khun u Judah bad na ki khun u Benjamin. Na ki khun u Judah: u Athaïah u khun u Ussiah, u khun u Sekharaïah, u khun u Amaraïah, u khun u Shephatiah, u khun u Mahalalil, u khun u Peres;

⁵ bad u Maaseïah u khun u Barukh, u khun u Kol-hoseh, u khun u Hasaïah, u khun u Adaïah, u khun u Joïarib, u khun u Sekharaïah, u khun u nong Shilon.

⁶ Baroh ki khun u Peres kiba shong ha Jerusalem, ki la long sawspah hynriewphew phra, ki briew kiba shlur.

⁷ Bad kine ki long ki khun u Benjamin: u Sallu u khun u Meshullam, u khun u Joed, u khun u Pedaïah, u khun u Kolaïah, u khun u Maaseïah, u khun u Ithiel, u khun u Jeshaïah.

⁸ Bad uba bud ïa u Gabbai, u Sallai, khyndaispah arphew phra.

⁹ Bad u Joel u khun u Sikhri, u la long u sordar jong ki: bad u Judah u khun u Hassenuah u la long u ba-ar halor kata ka nongbah.

¹⁰ Na ki lyngdoh: u Jedaïah u khun u Joïarib, u Jakhin,

¹¹ u Seraïah u khun u Hilkiah, u khun u Meshullam, u khun u Sadok, u khun u Meraïoth, u khun u Ahitub, u nongsynshar ka ïing U Blei,

¹² bad ki para jong ki kiba la trei ïa ka kam kata ka ïing, phraspah arphew ar ngut; bad u Adaïah u khun u Jeroham, u khun u Pelaliah, u khun u Amsi, u khun u Sekharaïah, u khun u Pashur, u khun u Malkhijah,

¹³ bad ki para jong u, ki rangbah ki ïing ki kpa, arspah sawphew ar: bad u Amashai u khun u Asarel, u khun u Ahsai, u khun u Meshillemoth, u khun u Immer,

¹⁴ bad ki para jong ki, ki briew kiba shlur eh, shispah arphew phra: bad u sordar jong ki u la long u Sabdiel, u khun u Haggedolim.

¹⁵ Bad na ki Lebi: u Shemaïah u khun u Hasshub, u khun u Asrikam, u khun u Hashabiah, u khun u Bunni;

¹⁶ bad u Shabbethai bad u Josabad, na ki rangbah ki Lebi, kiba khmih shaphang ka kam kaba shabar ka ïing U Blei;

¹⁷ bad u Mattaniah u khun u Mika, u khun u Sabdi, u khun u Asaph, u la long u rangbah ban sdang ïa ka jingainguh ha ka jingduwai, bad u Bakbukiah, u long u ba-ar hapdeng ki para jong u; bad u Abda u khun u Shammua, u khun u Galal, u khun u Jeduthun.

¹⁸ Ki Lebi baroh kiba don ha kane ka nongbah bakhuid ki la long arspah phraphew saw ngut.

¹⁹ Nalor kata, ki nongap jingkhang, u Akkub, u Talmon, bad ki para jong ki, kiba la ap ïa ki khyrdop, shispah hynñiewphew ar ngut.

²⁰ Bad kiwei pat na ki Israel, na ki lyngdoh, bad na ki Lebi, ki la don ha ki shnong Judah baroh, uwei uwei ha la ka jingïoh pateng.

²¹ Hynrei, ki Nethin ki la shong ha Ophel: bad u Siha bad u Gishpa ki la long halor ki Nethin.

²² U sordar ki Lebi ruh kiba don ha Jerusalem u la long u Ussi u khun u Bani, u khun u Hashabiah, u khun u Mattaniah, u khun u Mika, na ki khun u Asaph, ki nongrwai, kiba halor ka kam ka ïing U Blei.

²³ Namar la don ka hukum na u syiem shaphang jong ki, bad ka bynta ba la buh ïa ki nongrwai, katba donkam man la ka sngi.

²⁴ Bad u Pethahiah u khun u Meshesabel, na ki khun u Serah u khun u Judah, u la don hajan ka kti u syiem ha kiei kiei baroh kiba dei shaphang u paidbah.

Kiba shong shabar ka Jerusalem

²⁵ Bad ïa ki nongrit, lem bad ki lyngkha jong ki, don kiba na ki khun u Judah kiba la shong ha Kiriath-arba bad ki shnong jong ka, bad ha Dibon bad ki shnong jong ka, bad ha Jekabsil bad ki shnong jong ka;

²⁶ bad ha Jeshua, bad ha Moladah, bad ha Beth-pelet;

²⁷ bad ha Hasar-shual, bad ha Beer-sheba bad ki shnong jong ka;

²⁸ bad ha Siklag, bad ha Mekonah bad ha ki shnong jong ka;

²⁹ bad ha ka En-rimmon, bad ha Sorah bad ha Jarmuth;

³⁰ Sanoah, Adullam, bad ha ki shnong jong ki, ha Lakhish bad ki lyngkha jong ka, Asekah bad ki shnong jong ka. Kumta, ki la shong dara na Beer-sheba haduh ka them Hinnom.

³¹ Ki khun u Benjamin ruh, ki la shong na Geba ter ter, haduh Mikhmash bad Aija, bad ha Bethel bad ki shnong jong ka;

³² ha Anathoth, Nob, Ananiah;

³³ Hasor, Ramah, Gittaim;

³⁴ Hadid, Seboim, Neballat;

³⁵ Lod, bad Ono, ha them ki nongthaw jingthaw.

³⁶ Bad na ki Lebi, don ki jingkylliang sngi ha Judah kiba la pynïasoh ha Benjamin.