NEHEMAÏAH 10 - KA BAIBL

¹ Te kita kiba la shon shab ki la long, u Nehemaïah u Tirshatha, u khun u Hakaliah, bad u Sedekaïah;

² u Seraïah, u Asaraïah, u Jeremaïah;

³ u Pashur, u Amariah, u Malkhijah;

⁴ u Hattush, u Shebaniah, u Mallukh;

⁵ u Harim, u Meremoth, u Obadaïah;

⁶ u Daniel, u Ginnethon, u Barukh;

⁷ u Meshullam, u Abijah, u Mijamin;

⁸ u Maasiah, u Bilgai, u Shemaïah: kine ki la long lyngdoh.

⁹ Bad ki Lebi: u Jeshua u khun u Asaniah, u Binnui na ki khun u Henadad, u Kadmiel;

¹⁰ bad ki para jong ki, u Shebaniah, u Hodijah, u Kelita, u Pelaïah, u Hanan;

¹¹ u Mikha, u Rehob, u Hashabiah;

¹² u Sakkur, u Sherebiah, u Shebaniah;

¹³ u Hodijah, u Bani, u Beninu.

¹⁴ Ki rangbah u paidbah: u Parosh, u Pahath-moab, u Elam, u Satthu, u Bani;

¹⁵ u Bunni, u Asgad, u Bebai;

¹⁶ u Adonijah, u Bigbai, u Adin;

¹⁷ u Ater, u Hesekaïah, u Assur;

¹⁸ u Hodijah, u Hashum, u Besai;

¹⁹ u Hariph, u Anathoth, u Nebai;

²⁰ u Magpiash, u Meshullam, u Hesir;

²¹ u Meshesabel, u Sadok, u Jaddua;

²² u Pelatiah, u Hanan, u Anaïah;

²³ u Hoshea, u Hananiah, u Hasshub;

²⁴ u Hallohesh, u Pilha, u Shobek;

²⁵ u Rehum, u Hashabnah, u Maaseïah;

²⁶ bad u Ahijah, u Hanan, u Anan;

²⁷ u Mallukh, u Harim, u Baanah.

²⁸ Bad kita kiwei pat na u paidbah, ki lyngdoh, ki Lebi, ki nongap jingkhang, ki nongrwai, ki Nethin, bad kita baroh kiba la pynkyrpang ïa lade na ki kynja bynriew jong kita ki ri ha Ka Hukum U Blei, ki tnga jong ki, ki khun shynrang jong ki, bad ki khun kynthei jong ki, uwei pa uwei uba don ka jingtip bad ka jingshemphang;

²⁹ ki la ïasnoh bad la ki para, la ki bakhraw batri, bad ki la rung ha ka jingïatang, bad ha ka jingsmai, ban ïaid ha Ka Hukum U Blei, ïa kaba u la ai ha u Moses u shakri U Blei, bad ban rakhe bad ban leh baroh ïa ki hukum U Trai, U Trai jong ngi, bad ki jingbishar jong u bad ki aiñ jong u;

³⁰ bad ba ngin ym ai ïa la ki khun kynthei ha ki kynja bynriew jong kane ka ri, lymne shim ïa ki khun kynthei jong ki ha ki khun shynrang jong ngi:

³¹ bad lada ki kynja bynriew jong kane ka ri kin wallam ïa ki jingbuh jingsat lane ki kynja jingbam ha ka sngi Sabbaton ban die, ba ngin ym thied na ki ha ka Sabbaton, lymne ha ka sngi bakyntang: bad ba ngin iehnoh noh ïa ka snem ka bahynñiew, bad ïa kaba pan la ka ram baroh.

³² Bad ngi la buh rukom ruh ha lade, ba ngin siew na lade man la ka snem ïa ka balai bynta bynta shekel ïa ka kam ka ïing U Blei jong ngi;

³³ ïa u 'pu pyni, bad ïa ka jingainguh bam kaba ha la ka sngi, bad ïa ka jingainguh thang kaba ha la ka sngi, ki jong ki Sabbaton, ki jong ki 'nai thymmai, ïa Ki Jingkhawai Niam ba la buh, bad ïa kiei kiei ki bakyntang, bad ïa ki jingainguh sait pop ban pynlong jingpynïasuk na ka bynta ki Israel, bad ïa ka kam baroh ka ïing U Blei jong ngi.

³⁴ Bad ngi la pynnoh ïa ki jingkhalai, ki lyngdoh, ki Lebi, bad u paidbah, shaphang u dieng ka jingainguh, ban wallam ïa u ha ka ïing U Blei jong ngi, katba kum ki ïing ki kpa jong ngi, ha ki por ba la buh, man la ka snem, ban thang ïa ki halor ka duwan U Trai U Blei jong ngi, kumba la thoh ha Ka Hukum:

³⁵ bad ban wallam ïa ki soh nyngkong ka khyndew jong ngi, bad ïa ki soh nyngkong ki kynja dieng soh baroh, man la ka snem, ha ka ïing U Trai:

³⁶ bad kiba kha nyngkong na ki khun shynrang jong ngi ruh, bad na ki jingri jong ngi, kumba la thoh ha Ka Hukum, bad ïa kiba kha nyngkong na ki kynhun masi jong ngi bad na ki kynhun langbrot jong ngi, ban wallam ha ka ïing U Blei jong ngi, ha ki lyngdoh kiba shakri ha ka ïing U Blei jong ngi:

³⁷ bad ba ngin wallam noh na ki soh nyngkong u 'pu im jong ngi, bad ïa ka jingainguh kyntiew, bad ïa u soh ki kynja dieng baroh, ka Waiñ bad ka umphniang, ha ki lyngdoh, ha ki kamra ka ïing U Blei jong ngi; bad ïa kaba shiphew na ka khyndew jong ngi ha ki Lebi; namar ki, ki Lebi, ki shim ïa kaba shiphew ha ki shnong bri jong ngi baroh.

³⁸ Bad u lyngdoh u khun u Aaron un long lem bad ki Lebi, haba ki Lebi ki shim ïa kaba shiphew: bad ki Lebi kin wallam ïa kaba shiphew na kiba shiphew ha ka ïing U Blei jong ngi, ha ki kamra, ha ka ïing jingkynshew.

³⁹ Namar ki khun Israel bad ki khun u Lebi kin wallam ïa ka jingainguh kyntiew na u Kew, na ka Waiñ, bad na ka umphniang, ha ki kamra, ha kiba ki don ki khiew ki pliang ka jaka kyntang, bad ki lyngdoh kiba shakri, bad ki nongap jingkhang, bad ki nongrwai: te ngin ym iehnoh ïa ka ïing U Blei jong ngi.