JOSHUA 15 - KA BAIBL

Ki pud ka bynta u Judah

¹ Te ka bynta ka jaid ki khun u Judah katba kum ki ïing jong ki ka la long haduh ka pud ka Edom, jin haduh ka ri khlaw Sin shaphang shathie, ha ka bakut shaphang shathie.

² Bad ka pud jong ki shaphang shathie ka la long naduh ka bakut ka Duriaw Mluh, naduh ka khmut kaba phai shaphang shathie:

³ bad ka la lam shaphang shathie na ka thiep Akrabbim bad ka la pom shaduh Sin, bad ka la kiew na shaphang shathie jong ka Kadesh-barnea, bad ka la poi hajan Hesron, bad ka la kiew sha Adar, bad ka la leit sawdong haduh Karka:

⁴ bad ka la leit haduh Asmon, bad ka la leit mih haduh ka wah Ijipt; bad ki bakut kata ka pud ki la long harud ka duriaw: kane kan long ka pud jong phi shaphang shathie.

⁵ Bad ka pud shaphang mihngi ka la long ka Duriaw Mluh, haduh ka bakut ka Jordan. Bad ka pud shaphang shatei ka la long naduh ka khmut ka duriaw ha ka bakut ka Jordan:

⁶ bad kane ka pud ka la leit kiew sha Beth-hoglah, bad ka la leit shaphang shatei jong ka Beth-arabah; bad kane ka pud ka la leit kiew sha u maw jong u Bohan u khun u Reuben:

⁷ bad ka pud ka la kiew artet sha Debir na ka them Akhor, bad kumta shatei, da phai shaphang Gilgal, kata ka long marpyrshah u thiep Adummim, uba long shaphang shathie na ka wah: kata ka pud ka la pom shaphang ki um En-shemesh, bad ka bakut jong ka, ka la long ha En-rogel:

⁸ bad ka pud ka la kiew artet ïa ka them u khun u Hinnom ha ka liang kaba shaphang shathie ki Jebus (kata ka long “ka Jerusalem”): bad ka pud ka la leit kiew sha kliar uta u lum uba ha khmat ka them Hinnom shaphang sepngi, kaba don ha ka bakut ka them Rephaim shaphang shatei:

⁹ bad ka pud ka la siat na kliar uta u lum haduh ka umpohliew Nephtoah, bad ka la mih ha ki shnong u lum Ephron; bad ka pud ka la siat sha Baalah (kaba long “ka Kiriath-jearim”):

¹⁰ bad ka pud ka la ïaid tawiar na Baalah shaphang sepngi shaduh u lum Seir, bad ka la pom haduh trai u lum Jearim shaphang shatei (kata ka long “ka Khesalon”), bad ka la hiar sha Beth-shemesh, bad ka la suh sha Timnah:

¹¹ bad kata ka pud ka la siat sha khap ka Ekron shaphang shatei: bad ka pud ka la leit sha Shikkeron, bad ka la pom sha u lum Baalah, bad ka la poi sha Jabnil; bad ki kut ka pud ki ha ka duriaw.

¹² Bad ka pud shaphang sepngi ka la long ka duriaw bah, bad ka rud jong ka. Kane ka long ka pud ki khun u Judah baroh sawdong kat kum ki ïing jong ki.

U Kaleb u jop ïa ka Hebron bad ïa ka Debir

¹³ Te ïa u Kaleb u khun u Jephunneh u la ai ka bynta hapdeng ki khun u Judah, katba kum ka hukum U Trai ha u Joshua, ka shnong u Arba u kpa u Anak keiñ, (kata ka long “ka Hebron”).

¹⁴ Te u Kaleb u la beh nangta ïa ki lai ngut ki khun u Anak, u Sheshai, u Ahiman, bad u Talmai, ki khun u Anak.

¹⁵ Bad u la leit kiew nangta pyrshah ïa ki nong Debir: te ka kyrteng ka Debir mynshuwa ka la long “ka Kiriath-sepher.”

¹⁶ Bad u Kaleb u la ong, “Jar uba pom ïa ka Kiriath-sepher, bad uba jop ïa ka, ha uta ngan buh kurim ïa ka Akhsah ka khun jong nga.”

¹⁷ Te u Othniel u khun u Kenas, u para u Kaleb, u la jop ïa ka: te u la buh kurim bad u, ïa ka Akhsah ka khun jong u.

¹⁸ Bad ka la jia, haba ka la wan ha u, ka la kyntu ïa u ban pan ka lyngkha na u kpa jong ka: bad ka la hiar nalor ka kadda jong ka; te u Kaleb u la ong ha ka, “Pha kwah aïu?”

¹⁹ Te ka la ïathuh, “Ai ha nga ka jingkyrkhu; namar ba me la ai ha nga ka khyndew shaphang shathie, to ai ruh ha nga ki umpohliew.” Bad u la ai ha ka, ïa kita ki umpohliew kiba haneng bad kita ki umpohliew kiba harum.

Ki shnong ki Judah

²⁰ Kane ka long ka ri kynti ka jaid ki khun u Judah kat kum ki ïing jong ki.

²¹ Bad ki shnong ki bakut ka jaid ki khun u Judah shaphang ka pud ka Edom shaphang shathie ki la long ka Kabsil, bad ka Eder, bad ka Jagur;

²² bad ka Kinah, bad ka Dimonah, bad ka Adadah;

²³ bad ka Kedesh, bad ka Hasor bad ka Ithnan;

²⁴ ka Siph, bad ka Telem, bad ka Bealoth:

²⁵ bad ka Hasor-hadattah, bad ka Kerioth-hesron, (kata ka long “ka Hasor”);

²⁶ ka Amam, bad ka Shema, bad ka Moladah;

²⁷ bad ka Hasar-gaddah, bad ka Heshmon, bad ka Beth-pelet;

²⁸ bad ka Hasar-shual, bad ka Beer-sheba, bad ka Bisiothiah;

²⁹ ka Baalah, bad ka Iyim, bad ka Esem;

³⁰ bad ka Eltolad, bad ka Khesil, bad ka Hormah;

³¹ bad ka Siklag, bad ka Madmannah, bad ka Sansannah;

³² bad ka Lebaoth, bad ka Shilhim, bad ka Ain, bad ka Rimmon: baroh ki nongbah ki long arphew khyndai tylli, bad ki nongrit jong ki de.

³³ Ha ka ri them, ka Eshtaol, bad ka Sorah, bad ka Ashnah;

³⁴ bad ka Sanoah, bad ka En-gannim, ka Tappuah, bad ka Enam;

³⁵ ka Jarmuth, bad ka Adullam, ka Sokoh, bad ka Asekah;

³⁶ bad ka Sharaim, bad ka Adithaim, bad ka Gederah, bad ka Gederothaim; khatsaw ki nongbah bad ki nongrit jong ki de.

³⁷ Ka Senan, bad ka Hadashah, bad ka Migdal-gad;

³⁸ bad ka Dilean, bad ka Mispeh, bad ka Jokthil;

³⁹ ka Lakhish, bad ka Boskath, bad ka Eglon;

⁴⁰ bad ka Kabbon, bad ka Lahmam, bad ka Khitlish;

⁴¹ bad ka Gederoth, ka Beth-dagon, bad ka Naamah, bad ka Makkedah; khathynriew ki nongbah bad ki nongrit jong ki de.

⁴² Ka Libnah, bad ka Ether, bad ka Ashan;

⁴³ bad ka Iphtah, bad ka Ashnah, bad ka Nesib;

⁴⁴ bad ka Keilah, bad ka Akhsib, bad ka Mareshah; khyndai ki nongbah bad ki nongrit jong ki de.

⁴⁵ Ka Ekron, lem bad ki nongbah jong ka bad ki nongrit jong ka:

⁴⁶ naduh Ekron haduh ka duriaw, baroh kiba hajan Ashdod, bad ki nongrit jong ki de.

⁴⁷ Ka Ashdod, lem bad ki nongbah jong ka bad ki nongrit jong ka; ka Gasa, lem bad ki nongbah jong ka bad ki nongrit jong ka; haduh ka wah Ijipt, bad ka duriaw bah, bad ka rud jong ka.

⁴⁸ Bad ha ri lum, ka Shamir, bad ka Jattir, bad ka Sokoh;

⁴⁹ bad ka Dannah, bad ka Kiriath-sannah (kata ka long “ka Debir”);

⁵⁰ bad ka Anab, bad ka Eshtemoh, bad ka Anim;

⁵¹ bad ka Goshen, bad ka Holon, bad ka Giloh; khatwei ki nongbah bad ki nongrit jong ki de.

⁵² Ka Arab, bad ka Dumah, bad ka Eshean;

⁵³ bad ka Janum, bad ka Beth-tappuah, bad ka Aphekah;

⁵⁴ bad ka Humtah, bad ka Kiriath-arba (kata ka long “ka Hebron”), bad ka Sior; khyndai ki nongbah bad ki nongrit jong ki de.

⁵⁵ Ka Maon, ka Karmel, bad ka Siph, bad ka Juttah;

⁵⁶ bad ka Jesril, bad ka Jokdeam, bad ka Sanoah;

⁵⁷ ka Kain, ka Gibeah, bad ka Timnah; shiphew ki nongbah bad ki nongrit jong ki de.

⁵⁸ Ka Halhul, ka Beth-sur, bad ka Gedor;

⁵⁹ ka Maarath, bad ka Beth-anoth bad ka Eltekon, hynriew ki nongbah bad ki nongrit jong ki de.

⁶⁰ Ka Kiriath-baal (kata ka long “ka Kiriath-jearim”), bad ka Rabbah; ar tylli ki nongbah bad ki nongrit jong ki de.

⁶¹ Ha ka ri khlaw, ka Beth-arabah, ka Middin, bad ka Sekakah;

⁶² bad ka Nibshan, bad ka Nongbah ka Mluh, bad ka En-gedi; hynriew ki nongbah bad ki nongrit jong ki de.

⁶³ Hynrei, ki khun u Judah kim shym lah ban beh ïa ki Jebus, kiba shong ha Jerusalem: hynrei, ki Jebus ki shong ryngkat bad ki khun u Judah ha Jerusalem, haduh kane ka sngi.