JOSHUA 12 - KA BAIBL

Ki syiem kiba la shah jop ha u Moses

¹ Te kine ki long ki syiem jong kata ka ri, kiba ki khun Israel ki la jop, bad ki la ïoh ïa ka ri jong ki sha shiliang ka Jordan shaphang mihngi, naduh ka them Arnon haduh u lum Hermon, bad ka ri madan baroh shaphang mihngi:

² U Sihon u syiem ki Amor, uba ju shong ha Heshbon, bad uba synshar naduh Aroer, kaba ha ka rud ka them Arnon, bad naduh pdeng kata ka them, bad na shiteng ka Gilead, haduh ka wah Jabbok, kaba long ka pud ki khun u Ammon;

³ bad naduh ka ri madan haduh ka duriaw Khinneroth, shaphang mihngi, bad haduh ka duriaw ka madan, ka Duriaw Mluh keiñ, shaphang mihngi, ka lynti sha Beth-jeshimoth; bad shaphang shathie, harum ki ranab Piskah:

⁴ bad ka pud u Og u syiem ka Bashan, uba dang sah na ki riewradbah, uba ju shong ha Ashtaroth bad ha Edrei,

⁵ bad u la synshar ha u lum Hermon, bad ha Salekah, bad ha Bashan baroh, haduh ka pud ki Geshur bad ki Maakath, bad shiteng ka Gilead, ka pud u Sihon u syiem ka Heshbon.

⁶ Ïa kita, u Moses u shakri U Trai bad ki khun Israel, ki la jop: bad u Moses u shakri U Trai u la ai ïa ka ban long ka bynta ïa ki Reuben, bad ki Gad, bad ki shiteng ka jaid u Manasseh.

Ki syiem kiba la shah jop ha u Joshua

⁷ Bad kine ki long ki syiem jong kata ka ri kaba u Joshua bad ki khun Israel ki la jop, ha kane ka liang ka Jordan shaphang sepngi, naduh Baal-gad ha ka them Lebanon haduh u lum Halak, uba leit suh sha Seir; bad u Joshua u la ai ïa ka ha ki jaid Israel ban long ka bynta kat kum ki bynta jong ki;

⁸ ha ri lum, bad ha ri them, bad ha ri madan, bad ha ki ranab, bad ha ka ri khlaw, bad ha ka ri shathie; ki Hit, ki Amor, bad ki Kanaan, ki Peris, ki Hib, bad ki Jebus:

⁹ u syiem ka Jerikho, uwei; u syiem ka Ai, kaba hajan Bethel, uwei;

¹⁰ u syiem ka Jerusalem, uwei; u syiem ka Hebron, uwei;

¹¹ u syiem ka Jarmuth, uwei; u syiem ka Lakhish, uwei;

¹² u syiem ka Eglon, uwei; u syiem ka Geser, uwei;

¹³ u syiem ka Debir, uwei; u syiem ka Geder, uwei;

¹⁴ u syiem ka Hormah, uwei; u syiem ka Arad, uwei;

¹⁵ u syiem ka Libnah, uwei; u syiem ka Adullam, uwei;

¹⁶ u syiem ka Makkedah, uwei; u syiem ka Bethel, uwei;

¹⁷ u syiem ka Tappuah, uwei; u syiem ka Hepher, uwei;

¹⁸ u syiem ka Aphek, uwei; u syiem ka Lasharon, uwei;

¹⁹ u syiem ka Madon, uwei; u syiem ka Hasor, uwei;

²⁰ u syiem ka Shimron-meron, uwei; u syiem ka Akhshaph, uwei;

²¹ u syiem ka Taanakh, uwei; u syiem ka Megiddo, uwei;

²² u syiem ka Kedesh, uwei, u syiem ka Jokneam ha Karmel, uwei;

²³ u syiem ka Dor ha ri Dor, uwei; u syiem ki Goiim ha Gilgal, uwei;

²⁴ u syiem ka Tirsah, uwei: ki syiem baroh laiphew wei.