1 KHRONIKL 9 - KA BAIBL

Kiba la wan phai na Babilon

¹ Kumta, ïa ki Israel baroh la kheiñ da ki jinghiar pateng; bad, ha khmih, la thoh ïa ki ha Ka Kitab Ki Syiem Israel: bad ïa ki Judah la ring mraw noh sha Babilon namar ka jingpalat jong ki.

² Te ki nongshong shnong kiba nyngkong kiba la shong ha la ki bynta bad ha la ki shnong ki la long, ki Israel, ki Lyngdoh, ki Lebi, bad ki Nethin de.

³ Bad ha Jerusalem la shong kiba na ki khun u Judah, bad na ki khun u Benjamin, bad na ki khun u Ephraim, bad na ki khun u Manasseh ruh de;

⁴ u Uthai u khun u Ammihud, u khun u Omri, u khun u Imri, u khun u Bani, na ki khun u Peres u khun u Judah.

⁵ Bad na ki nong Shilon: u Asaïah u khun nyngkong, bad ki khun shynrang jong u.

⁶ Bad na ki khun shynrang u Serah: u Jeuel, bad ki para jong ki, hynriewspah khyndaiphew keiñ.

⁷ Bad na ki khun shynrang u Benjamin: u Sallu u khun u Meshullam, u khun u Hodabiah, u khun u Hassenuah;

⁸ bad u Ibneïa u khun u Jeroham, bad u Elah u khun u Ussi, u khun u Mikhri, bad u Meshullam u khun u Shephatiah, u khun u Reuel, u khun u Ibnijah;

⁹ bad ki para jong ki, katba kum ki jinghiar pateng jong ki, ki long khyndaispah sanphew hynriew. Kine baroh ki briew ki la long ki rangbah ki ïing ki kpa katba kum ki ïing ki kpa jong ki keiñ.

¹⁰ Bad na ki lyngdoh: u Jedaïah, bad u Jehoïarib, u Jakhin;

¹¹ bad u Asaraïah u khun u Hilkiah, u khun u Meshullam, u khun u Sadok, u khun u Meraïoth, u khun u Ahitub, u nongsynshar ka ïing U Blei;

¹² bad u Adaïah u khun u Jeroham, u khun u Pashhur, u khun u Malkhijah, bad u Massai u khun u Adiel, u khun u Jahserah, u khun u Meshullam, u khun u Meshillemith, u khun u Immer;

¹³ bad ki para jong ki, ki rangbah ki ïing ki kpa jong ki, shi hajar hynñiewspah hynriewphew keiñ; ki briew kiba nang shibun ïa ka kam bad ka jingshakri ïa ka ïing U Blei.

¹⁴ Bad na ki Lebi: u Shemaïah u khun u Hasshub, u khun u Asrikam, u khun u Hashabiah, na ki khun u Merari;

¹⁵ bad u Bakbakkar, u Heresh, bad u Galal, bad u Mattaniah u khun u Mika, u khun u Sikhri, u khun u Asaph;

¹⁶ bad u Obadaïah u khun u Shemaïah, u khun u Galal, u khun u Jeduthun, bad u Berekhaïah u khun u Asa, u khun u Elkanah, uba shong ha ki nongrit ki Netophath.

¹⁷ Bad ki nongap khyrdop: u Shallum, bad u Akkub, bad u Talmon, bad u Ahiman, bad ki para jong ki; u Shallum u la long u rangbah;

¹⁸ uba haduh kata u la ju ap ha ka khyrdop u syiem shaphang mihngi; ki la long ruh ki nongap khyrdop ïa ki ïingjaiñ ki khun u Lebi.

¹⁹ Bad u Shallum u khun u Kore, u khun u Ebiasaph, u khun u Korah, bad ki para jong u, kiba na ka ïing u kpa jong u, ki Korah, ki la long halor ka kam ka jingshakri, ki nongsumar ïa ka khyrdop Ka Tabernakl; bad ki kpa jong ki ruh ki la long halor ka ïingjaiñ U Trai, ki nongsumar ka jingkhang;

²⁰ bad u Phinehas u khun u Eleasar u la long u nongsynshar halor jong ki mynshuwa, bad U Trai u la long ryngkat bad u.

²¹ U Sekharaïah u khun jong u Meshelemaïah u la long u nongap jingkhang ha ka ïingjaiñ ka jingïaseng.

²² Kine baroh kiba la jied ban long ki nongap ha ki khyrdop, ki la long arspah khat-ar ngut. Ïa kine la kheiñ na ki jinghiar pateng ha ki shnong jong ki, ïa kiba u Dabid bad u Samuel u nongïohi ki la thung ha la ka jong ka jong ka kam.

²³ Kumta, kita bad ki khun jong ki, ki la long ki nongkhmih ïa ki khyrdop ka ïing U Trai, ïa ka ïing Ka Tabernakl keiñ, da kaba ap kylliang.

²⁴ La don ki nongap ha ki saw ki dong, shaphang mihngi, shaphang sepngi, shaphang shatei, bad shaphang shathie de.

²⁵ Bad ki para jong ki, ha la ki shnong, ki dei ban wan ha la ka aïom aïom ha la hynñiew sngi ban long ryngkat bad ki.

²⁶ Namar kine ki rangbah nongap khyrdop saw ngut, kiba la long ki Lebi, ki la long ha ka kam ba la buh, bad ki la long halor ki kamra bad halor ki jaka jingkynshew ha ka ïing U Blei.

²⁷ Bad ki la shong baroh sawdong ka ïing U Blei, namar ka jingsumar jong ka, ka la long ha ki, bad kaba plie ïa ka man la ka step ka la dei ha ki.

²⁸ Bad la don napdeng jong ki kiba la don ka jingsumar ïa ki pliang ka jingshakri; namar haba ki wallam ïa ki shapoh ki da ñiew ïa ki, bad haba ki sei shabar ki da ñiew ïa ki.

²⁹ Don na ki ruh ïa kiba la thung halor ki jingbuh jingsat, bad halor ki khiew ki pliang baroh jong ka jaka kyntang, bad halor u 'purew bani, bad ka Waiñ, bad ka umphniang, bad ka jingiwbih, bad ki musla.

³⁰ Don ruh na ki khun ki lyngdoh kiba la khreh ka jingpynïakhleh ïa ki musla.

³¹ Bad u Mattithiah, uwei na ki Lebi, u khun nyngkong u Shallum u jaid Korah, u la don la ka kam ba la buh halor kiei kiei kiba shu shet ha ki pliang.

³² Don ruh na ki para jong ki, na ki khun u Kohath, kiba la long halor u 'pu pyni, ban khreh ïa u man la ka sngi Sabbaton.

³³ Bad kine ki long ki nongrwai, ki rangbah ki ïing ki kpa na ki Lebi, kiba la shong ha kita ki kamra bad ki lait ruh na kiwei kiwei ki jingshakri: namar ki la trei ha kata ka kam mynsngi bad mynmiet.

³⁴ Kine ki la long ki rangbah ki ïing ki kpa na ki Lebi, pateng la pateng, ki briew kiba rangbah: kine ki la shong ha Jerusalem.

Ki longshuwa manshuwa u Saul

³⁵ Bad ha Gibeon u la shong u kpa u Gibeon, u Jeiel keiñ, uba ka kyrteng ka tnga jong u ka la long “ka Maakah”:

³⁶ bad u khun nyngkong jong u, u Abdon, bad u Sur, bad u Kish, bad u Baal, bad u Ner, bad u Nadab,

³⁷ bad u Gedor, bad u Ahio, bad u Sekharaïah, bad u Mikloth.

³⁸ Bad u Mikloth u la pynkha ïa u Shimeam. Bad ki ruh, ki la shong ryngkat bad la ki para ha Jerusalem, ha marpyrshah ki para jong ki.

³⁹ Bad u Ner u la pynkha ïa u Kish; bad u Kish u la pynkha ïa u Saul; bad u Saul u la pynkha ïa u Jonathan, bad ïa u Malkhi-shua, bad ïa u Abinadab, bad ïa u Eshbaal de.

⁴⁰ Bad u khun u Jonathan u la long u Merib-baal; bad u Merib-baal u la pynkha ïa u Mikah.

⁴¹ Bad ki khun shynrang u Mikah: u Pithon, bad u Melekh, bad u Tarea, bad u Ahas.

⁴² Bad u Ahas u la pynkha ïa u Jarah; bad u Jarah u la pynkha ïa u Alemeth, bad ïa u Asmabeth, bad ïa u Simri de; bad u Simri u la pynkha ïa u Mosa:

⁴³ bad u Mosa u la pynkha ïa u Binea; bad u Rephaïah u khun jong u, u Eleasah u khun jong u, u Asel u khun jong u:

⁴⁴ bad u Asel u la don hynriew ngut ki khun shynrang, ki kyrteng jong ki, ki long kine: u Asrikam, u Bokheru, bad u Ishmael, bad u Sheariah, bad u Obadaïah, bad u Hanan: kine ki la long ki khun u Asel.