1 KHRONIKL 7 - KA BAIBL

Kiba hiar pateng na u Issakhar

¹ Bad na ki khun shynrang u Issakhar: u Tola, bad u Puah, u Jashub, bad u Shimron, saw ngut.

² Bad ki khun shynrang u Tola: u Ussi, bad u Rephaïah, bad u Jeriel, bad u Jahmai, bad u Ibsam, bad u Shemuel, ki rangbah ki ïing ki kpa jong ki, kata, na u Tola; ki rangbah bashlur ha la ki pateng bynriew: ka jingkheiñ jong ki ha ki sngi u Dabid ka la long arphew ar hajar bad hynriewspah.

³ Bad ki khun shynrang u Ussi: u Israhiah; bad ki khun shynrang u Israhiah: u Mikhael, bad u Obadaïah, bad u Joel, u Isshiah, san ngut; baroh kiba rangbah ki briew.

⁴ Bad lem bad ki, ha ki jingkha pateng jong ki, katba kum ki ïing ki kpa jong ki, ki la don ki kynhun ki paidïapom ïa ka thma, laiphew hynriew hajar: namar ki la don shibun ki tnga bad ki khun shynrang.

⁵ Bad ki para jong ki hapdeng ki kur baroh jong u Issakhar, ki rangbah bashlur, ba la ñiew baroh da ka jingkha pateng, ki la long phraphew hynñiew hajar.

Kiba hiar pateng na u Benjamin

⁶ Ki khun shynrang u Benjamin: u Bela, bad u Bekher, bad u Jediael, lai ngut.

⁷ Bad ki khun shynrang u Bela: u Esbon, bad u Ussi, bad u Ussiel, bad u Jerimoth bad u Iri, san ngut; ki rangbah ki ïing ki kpa, ki rangbah bashlur; bad la ñiew ïa ki da ka jingkha pateng, arphew ar hajar bad laiphew saw ngut.

⁸ Bad ki khun shynrang u Bekher: u Semirah, bad u Joash, bad u Elieser, bad u Elioenai, bad u Omri, bad u Jeremoth, bad u Abijah, bad u Anathoth, bad u Elemeth. Kine baroh ki la long ki khun u Bekher.

⁹ Bad la ñiew ïa ki da ka jingkha pateng, katba kum ki jinghiar pateng jong ki, ki rangbah ki ïing ki kpa jong ki, ki rangbah bashlur, arphew hajar bad arspah.

¹⁰ Bad ki khun shynrang u Jediael: u Bilhan; bad ki khun shynrang u Bilhan: u Jeush, bad u Benjamin, bad u Ehud, bad u Khenaanah, bad u Sethan, bad u Tarshish, bad u Ahishahar.

¹¹ Kine baroh ki la long ki khun u Jediael, katba kum ki rangbah ki ïing ki kpa jong ki, ki rangbah bashlur, khathynñiew hajar bad arspah, kiba lah ban leit mih ha u paidïapom ïa ka thma.

¹² U Shuppim ruh, bad u Huppim, ki khun u Ir, u Hushim, ki khun u Aher.

Kiba hiar pateng na u Naphtali

¹³ Ki khun shynrang u Naphtali: u Jahsiel, bad u Guni, bad u Jeser, bad u Shallum, ki khun ka Bilhah.

Kiba hiar pateng na u Manasseh

¹⁴ Ki khun shynrang u Manasseh: u Asriel, ïa uba ka tnga jong u ka la kha: (ka tnga kliar jong u ka nong Aram ka la kha ïa u Makhir u kpa u Gilead:

¹⁵ bad u Makhir u la shim ka tnga na jong u Huppim bad Shuppim, kaba ka kyrteng ka para jong ka, ka la long “ka Maakah”); bad ka kyrteng u ba-ar ka la long “u Selophehad”; bad u Selophehad u la don ki khun kynthei.

¹⁶ Bad ka Maakah ka tnga u Makhir ka la kha u khun, bad ka la kyrteng “u Peresh” ïa u; bad ka kyrteng u para jong u ka la long “u Sheresh”; bad ki khun shynrang jong u ki la long u Ulam bad u Rakem.

¹⁷ Bad ki khun shynrang u Ulam: u Bedan. Kine ki la long ki khun shynrang u Gilead u khun u Makhir, u khun u Manasseh.

¹⁸ Bad ka para jong u ka Hammolekheth ka la kha ïa u Ishhod, bad u Abieser, bad u Mahlah.

¹⁹ Bad ki khun shynrang u Shemida ki la long u Ahian, bad u Shekhem, bad u Likhi, bad u Aniam.

Kiba hiar pateng na u Ephraim

²⁰ Bad ki khun shynrang u Ephraim; u Shuthelah, bad u Bered u khun jong u, bad u Tahath u khun jong u, bad u Eleadah u khun jong u, bad u Tahath u khun jong u,

²¹ bad u Sabad, u khun jong u, bad u Shuthelah u khun jong u, bad u Eser, bad u Elead, ïa kiba ki nong Gath kiba la kha ha ka ri ki la pynïap, namar ba ki la wan hiar ban knieh noh ïa ki jingri jong ki.

²² Bad u Ephraim u kpa jong ki u la ïambriew bun sngi, bad ki para jong u ki la wan ban pyntngen ïa u.

²³ Bad u la leit rung sha la ka tnga, te ka la pun, bad ka la kha ïa u khun, bad u la kyrteng “u Beriah” ïa u, namar ba la jia ka basniew ïa ka ïing jong u.

²⁴ Bad ka khun jong u ka la long “ka Sheerah”, kaba la tei ïa ka Beth-horon kaba sharum bad kaba shaneng, bad ïa ka Ussen-sheerah.

²⁵ Bad u Rephah u la long u khun jong u, bad u Resheph, bad u Telah u khun jong u, bad u Tahan u khun jong u;

²⁶ u Ladan u khun jong u, u Ammihud u khun jong u, u Elishama u khun jong u;

²⁷ u Nun u khun jong u, u Joshua u khun jong u.

²⁸ Te ki jingïoh kynti bad ki jaka shong jong ki, ki la long ka Bethel bad ki shnong jong ka, bad shaphang mihngi ka Naaran, bad shaphang sepngi ka Geser, bad ki shnong jong ki: ka Shikhem ruh bad ki shnong jong ka, haduh ka Assah bad ki shnong jong ka:

²⁹ bad hajan ki pud ki khun u Manasseh, ka Beth-shean bad ki shnong jong ka, ka Taanakh bad ki shnong jong ka, ka Megiddo bad ki shnong jong ka, ka Dor bad ki shnong jong ka. Ha kine ki la shong ki khun u Joseph u khun u Israel.

Kiba hiar pateng na u Asher

³⁰ Ki khun shynrang u Asher: u Imnah, bad u Ishbah, bad u Ishbi, bad u Beriah, bad ka Serah ka para jong ki.

³¹ Bad ki khun shynrang u Beriah: u Heber, bad u Malkhiel, uba la long u kpa u Birsaith.

³² Bad u Heber u la pynkha ïa u Japhlet, bad u Shomer, bad u Hotham, bad ka Shua ka para jong ki.

³³ Bad ki khun shynrang u Japhlet: u Pasakh, bad u Bimhal, bad u Ashbath. Kine ki long ki khun u Japhlet.

³⁴ Bad ki khun shynrang u Shemer: u Ahi, bad u Rogah, u Jehubbah, bad u Aram.

³⁵ Bad ki khun shynrang u Helem u para jong u: u Sophah, bad u Imna, bad u Shelesh, bad u Amal.

³⁶ Ki khun shynrang u Sophah: u Suah, bad u Harnepher, bad u Shual, bad u Beri, bad u Imrah;

³⁷ U Beser, bad u Hod, bad u Shamma, bad u Shilshah, bad u Ithran, bad u Bira.

³⁸ Bad ki khun shynrang u Jether: u Jephunneh, bad u Pispa bad u Ara.

³⁹ Bad ki khun shynrang u Ulla: u Arah, bad u Hanniel, bad u Risia.

⁴⁰ Kine baroh ki la long ki khun u Asher, ki rangbah ki ïing ki kpa, ki rangbah kiba la kynsai bad bashlur, kiba ha khlieh ki rangbah. Bad ka jingkheiñ jong ki, ba la ñiew da ka jingkha pateng ïa ka kam ha ka thma ka la long arphew hynriew hajar ki rangbah.