1 KHRONIKL 6 - KA BAIBL

Kiba hiar pateng na u Lebi

¹ Ki khun shynrang u Lebi: u Gershon, u Kohath, bad u Merari.

² Bad ki khun shynrang u Kohath: u Amram, u Ishar, bad u Hebron, bad u Ussiel.

³ Bad ki khun u Amram: u Aaron, bad u Moses, bad ka Miriam. Bad ki khun shynrang u Aaron: u Nadab, bad u Abihu, u Eleasar, bad u Ithamar.

⁴ U Eleasar u la pynkha ïa u Phinehas, u Phinehas u la pynkha ïa u Abishua;

⁵ bad u Abishua u la pynkha ïa u Bukki, bad u Bukki u la pynkha ïa u Ussi;

⁶ bad u Ussi u la pynkha ïa u Serahiah, bad u Serahiah u la pynkha ïa u Meraïoth;

⁷ u Meraïoth u la pynkha ïa u Amariah, bad u Amariah u la pynkha ïa u Ahitub;

⁸ bad u Ahitub u la pynkha ïa u Sadok, bad u Sadok u la pynkha ïa u Ahimaas;

⁹ bad u Ahimaas u la pynkha ïa u Asaraïah, bad u Asaraïah u la pynkha ïa u Johanan;

¹⁰ bad u Johanan u la pynkha ïa u Asaraïah, (dei une uba la trei ïa ka kam lyngdoh ha kata ka ïing ba u la tei u Solomon ha Jerusalem:)

¹¹ bad u Asaraïah u la pynkha ïa u Amariah, bad u Amariah u la pynkha ïa u Ahitub;

¹² bad u Ahitub u la pynkha ïa u Sadok, bad u Sadok u la pynkha ïa u Shallum;

¹³ bad u Shallum u la pynkha ïa u Hilkiah, bad u Hilkiah u la pynkha ïa u Asaraïah;

¹⁴ bad u Asaraïah u la pynkha ïa u Seraïah, bad u Seraïah u la pynkha ïa u Jehosadak;

¹⁵ bad u Jehosadak u la leit noh, haba U Trai u pynring mraw ïa ka Judah bad ka Jerusalem da ka kti u Nebukhadnessar.

¹⁶ Ki khun shynrang u Lebi: u Gershom, u Kohath, bad u Merari.

¹⁷ Bad kine ki long ki kyrteng ki khun shynrang u Gershom: u Libni bad u Shimei.

¹⁸ Bad ki khun shynrang u Kohath ki la long u Amram, bad u Ishar, bad u Hebron, bad u Ussiel.

¹⁹ Ki khun shynrang u Merari: u Mahli, bad u Mushi. Bad kine ki long ki kur ki Lebi katba kum ki ïing ki kpa jong ki.

²⁰ Na u Gershom: u Libni u khun jong u, u Jahath u khun jong u, u Simmah u khun jong u;

²¹ u Joah u khun jong u, u Iddo u khun jong u, u Serah u khun jong u, u Jeatherai u khun jong u.

²² Ki khun shynrang u Kohath: u Amminadab u khun jong u, u Korah u khun jong u, u Assir u khun jong u;

²³ u Elkanah u khun jong u, bad u Ebiasaph u khun jong u, bad u Assir u khun jong u;

²⁴ u Tahath u khun jong u, u Uriel u khun jong u, u Ussiah u khun jong u, bad u Shaul u khun jong u.

²⁵ Bad ki khun shynrang u Elkanah: u Amasai, bad u Ahimoth.

²⁶ Shaphang u Elkanah: ki khun shynrang u Elkanah: u Sophai u khun jong u, bad u Nahath u khun jong u;

²⁷ u Eliab u khun jong u, u Jeroham u khun jong u, u Elkanah u khun jong u.

²⁸ Bad ki khun shynrang u Samuel: u khun nyngkong u Joel, bad u ba-ar u Abiah.

²⁹ Ki khun shynrang u Merari: u Mahli, u Libni u khun jong u, u Shimei u khun jong u, u Ussah u khun jong u;

³⁰ u Shimea u khun jong u, u Haggiah u khun jong u, u Asaïah u khun jong u.

Ki nongrwai ha ka ïing U Trai

³¹ Te kine long kita kiba u Dabid u la buh halor ka kam ka jingrwai ha ka ïing U Trai, hadien kaba la ïoh ka jingjahthait ka synduk.

³² Bad ki la shakri da ka jingrwai ha khmat Ka Tabernakl ka ïingjaiñ ka jingïaseng, tad ynda u Solomon u la tei ka ïing ïa U Trai ha Jerusalem: bad ki la trei ha la ka kam katba kum ka rukom jong ki.

³³ Bad kine ki long kita kiba ïeng, bad ki khun shynrang jong ki. Na ki khun shynrang ki Kohath: u Heman u nongrwai, u khun u Joel, u khun u Samuel;

³⁴ u khun u Elkanah, u khun u Jeroham, u khun u Eliel, u khun u Toah;

³⁵ u khun u Suph, u khun u Elkanah, u khun u Mahath, u khun u Amasai;

³⁶ u khun u Elkanah, u khun u Joel, u khun u Asaraïah, u khun u Sephanaïah;

³⁷ u khun u Tahath, u khun u Assir, u khun u Ebiasaph, u khun u Korah;

³⁸ u khun u Ishar, u khun u Kohath, u khun u Lebi, u khun u Israel.

³⁹ Bad u Asaph u para jong u, uba ju ïeng ha ka kti kamon jong u, u Asaph u khun u Berekhiah keiñ, u khun u Shimea;

⁴⁰ u khun u Mikhael, u khun u Baaseïah, u khun u Malkhijah;

⁴¹ u khun u Ethni, u khun u Serah, u khun u Adaïah;

⁴² u khun u Ethan, u khun u Simmah, u khun u Shimei;

⁴³ u khun u Jahath, u khun u Gershom, u khun u Lebi.

⁴⁴ Bad sha kadiang ki para jong ki, ki khun shynrang u Merari: u Ethan u khun u Kishi, u khun u Abdi, u khun u Mallukh;

⁴⁵ u khun u Hashabiah, u khun u Amasaïah, u khun u Hilkiah;

⁴⁶ u khun u Amsi, u khun u Bani, u khun u Shemer;

⁴⁷ u khun u Mahli, u khun u Mushi, u khun u Merari, u khun u Lebi.

⁴⁸ Bad ïa ki para jong ki, ki Lebi la thung ïa baroh ka kam Ka Tabernakl ka ïing U Blei.

Kiba hiar pateng na u Aaron

⁴⁹ Hynrei, u Aaron bad ki khun jong u ki la ainguh halor ka duwan ka jingainguh thang, bad halor ka duwan ka jingainguh baiwbih, ïa ka kam baroh ka jong ka jaka kyntang tam, bad ban pynlong ka jingpynïasuk na ka bynta ki Israel, katba kum ïa baroh ba u Moses u shakri U Blei u la lah hukum.

⁵⁰ Bad kine ki long ki khun shynrang u Aaron: u Eleasar u khun jong u, u Phinehas u khun jong u, u Abishua u khun jong u;

⁵¹ u Bukki u khun jong u, u Ussi u khun jong u, u Serahiah u khun jong u:

⁵² u Meraïoth u khun jong u, u Amariah u khun jong u, u Ahitub u khun jong u;

⁵³ u Sadok u khun jong u, u Ahimaas u khun jong u.

Ki shnong ki Lebi

⁵⁴ Te kine ki long ki jaka shong jong ki katba kum ki ilaka jong ki ha ki pud jong ki: ha ki khun shynrang u Aaron, na ki kur ki Kohath, naba ka jong ki ka la long ka bynta banyngkong,

⁵⁵ ha ki, ki la ai ka Hebron ha ka ri Judah, bad ki rudnong jong ka baroh sawdong ïa ka;

⁵⁶ hynrei, ïa ki lyngkha jong ka shnong, bad ki nongrit jong ka, ki la ai ha u Kaleb u khun u Jephunneh.

⁵⁷ Bad ha ki khun shynrang u Aaron ki la ai ki shnong jaka rieh, ïa ka Hebron, ïa ka Libnah ruh bad ki rudnong jong ka, bad ïa ka Jattir, bad ïa ka Eshtemoa bad la ki rudnong;

⁵⁸ bad ïa ka Hilen bad la ki rudnong, ïa ka Debir bad la ki rudnong;

⁵⁹ bad ïa ka Ashan bad la ki rudnong, bad ïa ka Beth-shemesh bad la ki rudnong;

⁶⁰ bad na ka jaid Benjamin, ïa ka Geba bad la ki rudnong, bad ïa ka Alemeth bad la ki rudnong, bad ïa ka Anathoth bad la ki rudnong. Baroh ki shnong jong ki ha ki kur jong ki phar ki la long khatlai tylli ki shnong.

⁶¹ Bad ha kita kiwei na ki khun shynrang u Kohath, la ai da ka jingkhalai, na ka kur jong kata ka jaid, na kata ka shiteng jaid: ka shiteng ka jong u Manasseh, shiphew tylli ki shnong.

⁶² Bad ha ki khun shynrang u Gershom, katba kum ki kur jong ki, na ka jaid Issakhar, bad na ka jaid Asher, bad na ka jaid Naphtali, bad na ka jaid Manasseh ha Bashan, khatlai tylli ki shnong.

⁶³ Ha ki khun shynrang u Merari, la ai da ka jingkhalai, katba kum ki kur jong ki, na ka jaid Reuben, bad na ka jaid Gad, bad na ka jaid Sabulon, khat-ar tylli ki shnong.

⁶⁴ Bad ki khun Israel ki la ai ha ki Lebi ïa kita ki shnong lem bad ki rudnong jong ki.

⁶⁵ Bad ki la ai da ka jingkhalai na ka jaid ki khun u Judah, bad na ka jaid ki khun u Simeon, bad na ka jaid ki khun u Benjamin, ïa kine ki shnong kiba la ïathuh da ka kyrteng.

⁶⁶ Bad katto katne na ki kur ki khun shynrang u Kohath, ki la ïoh ïa ki shnong ki pud jong ki na ka jaid Ephraim.

⁶⁷ Bad ki la ai ha ki, ki shnong jaka rieh, ïa ka Shekhem ha ri lum Ephraim bad la ki rudnong; ïa ka Geser ruh bad la ki rudnong;

⁶⁸ bad ïa ka Jokmeam bad la ki rudnong, bad ïa ka Beth-horon bad la ki rudnong;

⁶⁹ bad ïa ka Aijalon bad la ki rudnong, bad ïa ka Gath-rimmon bad la ki rudnong:

⁷⁰ bad na ka shiteng ka jaid u Manasseh, ïa ka Aner bad la ki rudnong, bad ïa ka Bileam bad la ki rudnong; ïa kita kiwei na ka kur ki khun shynrang u Kohath.

⁷¹ Ha ki khun shynrang u Gershom, la ai na ka kur jong ka shiteng ka jaid u Manasseh, ïa ka Golan ha Bashan bad la ki rudnong, bad ïa ka Ashtaroth bad la ki rudnong:

⁷² bad na ka jaid Issakhar; ïa ka Kedesh bad la ki rudnong, ïa ka Daberath bad la ki rudnong;

⁷³ bad ïa ka Ramoth bad la ki rudnong, bad ïa ka Anem bad la ki rudnong;

⁷⁴ bad na ka jaid Asher; ïa ka Mashal bad la ki rudnong, bad ïa ka Abdon bad la ki rudnong;

⁷⁵ bad ïa ka Hukok bad la ki rudnong, bad ïa ka Rehob bad la ki rudnong:

⁷⁶ bad na ka jaid Naphtali; ïa ka Kedesh ha Galilaïa bad la ki rudnong, bad ïa ka Hammon bad la ki rudnong, bad ïa ka Kiriathaim bad la ki rudnong.

⁷⁷ Ha kita kiwei na ki Lebi, ïa ki khun shynrang u Merari, la ai na ka jaid Sabulon, ïa ka Rimmon bad la ki rudnong, ïa ka Tabor bad la ki rudnong:

⁷⁸ bad sha shiliang ka Jordan hajan Jerikho, shaphang mihngi ka Jordan, la ai ha ki, na ka jaid Reuben, ïa ka Beser ha ri khlaw bad la ki rudnong, bad ïa ka Jahsah bad la ki rudnong,

⁷⁹ bad ïa ka Kedemoth bad la ki rudnong, bad ïa ka Mephaath bad la ki rudnong;

⁸⁰ bad na ka jaid Gad; ïa ka Ramoth ha Gilead bad la ki rudnong, bad ïa ka Mahanaim bad la ki rudnong,

⁸¹ bad ïa ka Heshbon bad la ki rudnong, bad ïa ka Jaser bad la ki rudnong.