1 KHRONIKL 25 - KA BAIBL

Ka jingkheiñ bad ki kam ki nongrwai

¹ Nalor kata, u Dabid bad ki kaptan u paidïapom ki la pynkyrpang katto katne na ki khun shynrang u Asaph, bad na ki jong u Heman, bad na ki jong u Jeduthun, na ka bynta ka kam, ki ban ïathuhlypa da ki duitara, da ki nebel, bad da ki 'sing padiah: bad ka jingkheiñ kita kiba trei ïa ka kam ha la ka kam ka kam ka la long:

² na ki khun shynrang u Asaph: u Sakkur, bad u Joseph, bad u Nethaniah, bad u Asharelah, ki khun shynrang u Asaph; hapoh ka kti u Asaph, kiba la ïathuhlypa kat kum ka hukum u syiem.

³ Na u Jeduthun: ki khun shynrang u Jeduthun: u Gedalaïah, bad u Seri, u Jeshaïah, u Hashabiah, bad u Mattithiah, hynriew ngut; hapoh ka kti u kpa jong ki, u Jeduthun lem bad ka duitara, uba ïathuhlypa ha ki jingainguh bad ha kaba ïaroh ïa U Trai.

⁴ Na u Heman, ki khun shynrang u Heman: u Bukkiah, u Mattaniah, u Ussiel, u Shebuel, bad u Jerimoth, u Hananiah, u Hanani, u Eliathah, u Giddalti, bad u Romamti-eser, u Joshbekashah, u Mallothi, u Hothir, u Mahasioth:

⁵ kine baroh ki long ki khun shynrang u Heman u nongïohi u syiem ha ki ktien U Blei, ban kyntiew ïa ka reng. Bad U Blei u la ai ïa u Heman khatsaw ngut ki khun shynrang bad lai ngut ki khun kynthei.

⁶ Kine baroh ki long hapoh ka kti u kpa jong ki na ka bynta ka jingrwai ha ka ïing U Trai, lem bad ki 'sing padiah, ki nebel, bad ki duitara, na ka bynta ka kam ka ïing U Blei; u Asaph, u Jeduthun, bad u Heman ki long hapoh ka hukum u syiem.

⁷ Bad ka jingkheiñ jong ki, lem bad ki para jong ki kiba la hikai ïa ka ban rwai ha U Trai, baroh keiñ kiba la nang, ka la long arspah phraphew phra.

⁸ Bad ki la noh ki jingkhalai ïa la ka jong ka jong ka jingsumar, baroh kumjuh, uba rit ruh bad uba khraw, u nonghikai ruh bad uba shah hikai.

⁹ Te ka jingkhalai ka banyngkong ka la hap ha u Joseph na ka bynta u Asaph: ka ba-ar ha u Gedalaïah; ma u bad la ki para bad la ki khun shynrang ki la long khat-ar ngut:

¹⁰ ka balai ha u Sakkur, ki khun shynrang bad ki para jong u, khat-ar ngut:

¹¹ ka basaw ha u Isri, ki khun shynrang bad ki para jong u, khat-ar ngut:

¹² ka basan ha u Nethaniah, ki khun shynrang bad ki para jong u, khat-ar ngut:

¹³ ka bahynriew ha u Bukkiah, ki khun shynrang bad ki para jong u, khat-ar ngut:

¹⁴ ka bahynñiew ha u Jesharelah, ki khun shynrang bad ki para jong u, khat-ar ngut:

¹⁵ ka baphra ha u Jeshaïah, ki khun shynrang bad ki para jong u, khat-ar ngut:

¹⁶ ka bakhyndai ha u Mattaniah, ki khun shynrang bad ki para jong u, khat-ar ngut:

¹⁷ ka bashiphew ha u Shimei, ki khun shynrang bad ki para jong u, khat-ar ngut:

¹⁸ ka bakhatwei ha u Asarel, ki khun shynrang bad ki para jong u, khat-ar ngut:

¹⁹ ka bakhat-ar ha u Hashabiah, ki khun shynrang bad ki para jong u, khat-ar ngut:

²⁰ ka bakhatlai ha u Shubael, ki khun shynrang bad ki para jong u, khat-ar ngut:

²¹ ka bakhatsaw ha u Mattithiah, ki khun shynrang bad ki para jong u, khat-ar ngut:

²² ka bakhatsan ha u Jeremoth, ki khun shynrang bad ki para jong u, khat-ar ngut:

²³ ka bakhathynriew ha u Hananiah, ki khun shynrang bad ki para jong u, khat-ar ngut:

²⁴ ka bakhathynñiew ha u Joshbekashah, ki khun shynrang bad ki para jong u, khat-ar ngut:

²⁵ ka bakhatphra ha u Hanani, ki khun shynrang bad ki para jong u, khat-ar ngut:

²⁶ ka bakhatkhyndai ha u Mallothi, ki khun shynrang bad ki para jong u, khat-ar ngut:

²⁷ ka ba-arphew ha u Eliathah, ki khun shynrang bad ki para jong u, khat-ar ngut:

²⁸ ka ba-arphew wei ha u Hothir, ki khun shynrang bad ki para jong u, khat-ar ngut:

²⁹ ka ba-arphew ar ha u Giddalti, ki khun shynrang bad ki para jong u, khat-ar ngut:

³⁰ ka ba-arphew lai ha u Mahasioth, ki khun shynrang bad ki para jong u, khat-ar ngut:

³¹ ka ba-arphew saw ha u Romamti-eser, ki khun shynrang bad ki para jong u, khat-ar ngut.