1 KHRONIKL 2 - KA BAIBL

Ki khun u Israel

¹ Kine ki long ki khun shynrang u Israel: u Reuben, u Simeon, u Lebi, bad u Judah, u Issakhar bad u Sabulon;

² u Dan, u Joseph bad u Benjamin, u Naphtali, u Gad bad u Asher.

Kiba hiar pateng na u Judah

³ Ki khun shynrang u Judah: u Er, bad u Onan, bad u Shelah: ïa kine lai ngut la kha ha u na ka Bathshua ka nong Kanaan. Te u Er, u khun nyngkong u Judah, u la long bymman ha khmat U Trai; U ruh U la pynïap ïa u.

⁴ Bad ka Tamar ka pyrsa kurim jong u ka la kha ha u ïa u Peres bad u Serah. Baroh ki khun shynrang u Judah ki la long san ngut.

⁵ Ki khun shynrang u Peres: u Hesron bad u Hamul.

⁶ Bad ki khun shynrang u Serah: u Simri, bad u Ethan, bad u Heman, bad u Kalkol, bad u Dara. Kine baroh ki long san ngut.

⁷ Bad ki khun shynrang u Karmi: u Akhar, u nongpynjynjar ïa ki Israel, uba la leh palat ha kata ïa kaba la tim.

⁸ Bad ki khun shynrang u Ethan: u Asariah.

⁹ Ki khun shynrang u Hesron ruh, ïa kiba la kha ha u: u Jerahmil, bad u Ram, bad u Khelubai.

¹⁰ Bad u Ram u la pynkha ïa u Amminadab; bad u Amminadab u la pynkha ïa u Nahshon, u rangbah ki khun Judah;

¹¹ bad u Nahshon u la pynkha ïa u Salma, bad u Salma u la pynkha ïa u Boas;

¹² bad u Boas u la pynkha ïa u Obed, bad u Obed u la pynkha ïa u Jesse;

¹³ bad u Jesse u la pynkha ïa u khun nyngkong jong u, u Eliab, bad ïa u Abinadab u ba-ar, bad ïa u Shimea u balai;

¹⁴ u Nethaniil u basaw, u Raddai u basan;

¹⁵ u Osem u bahynriew, u Dabid u bahynñiew;

¹⁶ bad ki para kynthei jong ki, ki la long ka Seruïah bad ka Abigail. Bad ki khun shynrang ka Seruïah: u Abishai, bad u Joab, bad u Asahel, lai ngut.

¹⁷ Bad ka Abigail ka la kha ïa u Amasa: te u kpa u Amasa u la long u Jether u kynja Ishmael.

¹⁸ Bad u Kaleb u khun u Hesron u la pynkha khun na ka Asubah ka tnga jong u, bad na ka Jerioth: te kine ki la long ki khun shynrang jong ka: u Jesher, bad u Shobab, bad u Ardon.

¹⁹ Te ka Asubah ka la ïap, bad u Kaleb u shim ha u ïa ka Ephrath, kaba la kha ïa u Hur ha u.

²⁰ Bad u Hur u la pynkha ïa u Uri, bad u Uri u la pynkha ïa u Besalil.

²¹ Bad hadien kata, u Hesron u la leit ha ka khun u Makhir u kpa u Gilead; ïa kaba u la shim kurim haba u la hynriewphew snem ka rta; te ka la kha ïa u Segub ha u.

²² Bad u Segub u la pynkha ïa u Jair, uba la don arphew lai tylli ki shnong ha ka ri Gilead.

²³ Bad u Geshur bad u Aram ki la knieh noh ïa ki shnong u Jair na ki, lem bad ka Kenath, bad ki nongrit jong ka, jin hynriewphew ki shnong. Kine baroh ki la long ki khun shynrang u Makhir u kpa u Gilead.

²⁴ Bad hadien ba la ïap u Hesron ha Kaleb-ephrathah, te ka Abiah ka tnga u Hesron ka la kha ha u, ïa u Ashur u kpa u Tekoa.

²⁵ Bad ki khun shynrang u Jerahmil u khun nyngkong u Hesron ki la long u Ram u khun nyngkong, bad u Bunah, bad u Oren, bad u Osem, u Ahijah.

²⁶ Bad u Jerahmil u la don kawei pat ka tnga, kaba kyrteng “ka Atarah”; ka, ka la long ka kmie u Onam.

²⁷ Bad ki khun shynrang u Ram u khun nyngkong u Jerahmil ki la long u Maas, bad u Jamin, bad u Eker.

²⁸ Bad ki khun shynrang u Onam ki la long u Shammai, bad u Jada; bad ki khun shynrang u Shammai: u Nadab, bad u Abishur.

²⁹ Bad ka kyrteng ka tnga u Abishur ka la long “ka Abihail”; te ka la kha ha u, ïa u Ahban, bad u Molid.

³⁰ Bad ki khun shynrang u Nadab: u Seled, bad u Appaim: hynrei, u Seled u la ïap khlem khun.

³¹ Bad ki khun shynrang u Appaim: u Ishi. Bad ki khun shynrang u Ishi: u Sheshan. Bad ki khun shynrang u Sheshan: u Ahlai.

³² Bad ki khun shynrang u Jada u para u Shammai: u Jether, bad u Jonathan; te u Jether u la ïap khlem khun.

³³ Bad ki khun shynrang u Jonathan: u Peleth, bad u Sasa. Kita ki la long ki khun shynrang u Jerahmil.

³⁴ Te u Sheshan um shym don ki khun shynrang, tang ki khun kynthei. Bad u Sheshan u la don u shakri, u nong Ijipt, uba kyrteng, “u Jarha”.

³⁵ Bad u Sheshan u la ai kurim ïa la ka khun ha u Jarha u shakri jong u; te ka la kha ïa u Attai ha u.

³⁶ Te u Attai u la pynkha ïa u Nathan, bad u Nathan u la pynkha ïa u Sabad;

³⁷ bad u Sabad u la pynkha ïa u Ephlal, bad u Ephlal u la pynkha ïa u Obed;

³⁸ bad u Obed u la pynkha ïa u Jehu, bad u Jehu u la pynkha ïa u Asaraïah;

³⁹ bad u Asaraïah u la pynkha ïa u Heles, bad u Heles u la pynkha ïa u Eleasah;

⁴⁰ bad u Eleasah u la pynkha ïa u Sismai, bad u Sismai u la pynkha ïa u Shallum;

⁴¹ bad u Shallum u la pynkha ïa u Jekamiah, bad u Jekamiah u la pynkha ïa u Elishama.

⁴² Te ki khun shynrang u Kaleb u para u Jerahmil ki la long u Mesha u khun nyngkong jong u, uba la long u kpa u Siph; bad ki khun shynrang u Mareshah u kpa u Hebron.

⁴³ Te ki khun shynrang u Hebron: u Korah, bad u Tappuah, bad u Rekem, bad u Shema.

⁴⁴ Bad u Shema u la pynkha ïa u Raham, u kpa u Jorkeam; bad u Rekem u la pynkha ïa u Shammai.

⁴⁵ Bad u khun u Shammai long u Maon; bad u Maon u la long u kpa u Beth-sur.

⁴⁶ Bad ka Ephah, ka tnga kliar u Kaleb, ka la kha ïa u Haran, bad u Mosa, bad u Gases: bad u Haran u la pynkha ïa u Gases:

⁴⁷ Bad ki khun shynrang u Jahdai; u Regem, bad u Jotham, bad u Geshan, bad u Pelet, bad u Ephah, bad u Shaaph.

⁴⁸ Ka Maakah, ka tnga kliar u Kaleb, ka la kha ïa u Sheber bad u Tirhanah.

⁴⁹ Ka la kha ruh ïa u Shaaph u kpa u Madmannah, u Sheba u kpa u Makhbena, bad u kpa u Gibea; bad ka khun u Kaleb ka la long ka Akhsah.

⁵⁰ Kine ki la long ki khun shynrang u Kaleb. U khun u Hur, u khun nyngkong u Ephrathah, u Shobal u kpa u Kiriath-jearim;

⁵¹ u Salma u kpa u Bethlehem, u Hareph u kpa u Beth-gader.

⁵² Bad u Shobal u kpa u Kiriath-jearim u la don khun shynrang: u Haroeh, shiteng ki Menuhoth.

⁵³ Bad ki kur u Kiriath-jearim: ki Ithri, bad ki Puth, bad ki Shumath, bad ki Mishra; na kita ki la mih ki Sorath, bad ki Eshtaol.

⁵⁴ Ki khun shynrang u Salma: u Bethlehem, bad ki Netophath, u Atroth-beth-Joab, bad shiteng ki Manahath, ki Sor.

⁵⁵ Ki kur nongthoh kiba ju shong ha Jabes: ki Tirath, ki Shimeath, ki Sukath. Kine ki la long ki Ken kiba mih na u Hammath, u kpa ka ïing u Rekhab.