1 KHRONIKL 1 - KA BAIBL

Kaba hiar pateng na U Adam

¹ U Adam, u Seth, u Enosh;

² u Kenan, u Mahalalil, u Jared;

³ u Enokh, u Methuselah, u Lamekh:

⁴ u Noah, u Shem, u Ham, bad u Japheth.

Kiba hiar pateng na ki khun u Noah

⁵ Ki khun shynrang u Japheth: u Gomer, bad u Magog, bad u Madai, bad u Jaban, bad u Tubal, bad u Meshekh, bad u Tiras.

⁶ Bad ki khun shynrang u Gomer: u Ashkenas, bad u Diphath, bad u Togarmah.

⁷ Bad ki khun shynrang u Jaban: u Elishah, bad u Tarshish, u Kittim, bad u Rodanim.

⁸ Ki khun shynrang u Ham: u Kush, bad u Misraim, u Put, bad u Kanaan.

⁹ Bad ki khun shynrang u Kush: u Seba, bad u Habilah, bad u Sabta, bad u Raamah, bad u Sabteka. Bad ki khun shynrang u Raamah: u Sheba, bad u Dedan.

¹⁰ Bad u Kush u la pynkha ïa u Nimrod; une u la sdang ban long uba khraw bor ha ka khyndew.

¹¹ Bad u Misraim u la pynkha ïa ki Lud, bad ïa ki Anam, bad ïa ki Lehab, bad ïa ki Naphtuh,

¹² bad ïa ki Pathrus, bad ïa ki Kasluh (na kiba la wan mih ki Philistia), bad ïa ki Kaphtor.

¹³ Bad u Kanaan u la pynkha ïa u Sidon, u khun nyngkong jong u, bad u Heth;

¹⁴ bad ïa ki Jebus, bad ïa ki Amor, bad ïa ki Girgash;

¹⁵ bad ïa ki Hib, bad ïa ki Ark, bad ïa ki Sin;

¹⁶ bad ïa ki Arbad, bad ïa ki Semar, bad ïa ki Hamath.

¹⁷ Ki khun shynrang u Shem: u Elam, bad u Asshur, bad u Arpakhshad, bad u Lud, bad u Aram, bad u Us, bad u Hul, bad u Gether, bad u Meshekh.

¹⁸ Bad u Arpakhshad u la pynkha ïa u Shelah, bad u Shelah u la pynkha ïa u Eber.

¹⁹ Bad ha u Eber la kha ar ngut ki khun shynrang: ka kyrteng uwei, “u Peleg”; naba ha ki sngi jong u la pynïabynta ïa ka khyndew; bad ka kyrteng u para jong u, “u Joktan”.

²⁰ Bad u Joktan u la pynkha ïa u Almodad, bad u Sheleph, bad u Hasarmabeth, bad u Jerah;

²¹ bad u Hadoram, bad u Usal, bad u Diklah;

²² bad u Ebal, bad u Abimael, bad u Sheba;

²³ bad u Ophir, bad u Habilah, bad u Jobab. Kine baroh ki la long ki khun shynrang u Joktan.

Kiba hiar pateng na U Shem

²⁴ U Shem, u Arpakhshad, u Shelah;

²⁵ u Eber, u Peleg, u Rew,

²⁶ u Serug, u Nahor, u Terah;

²⁷ u Abram (uta u long u Abraham).

Kiba hiar pateng na U Ishmael bad Ka Keturah

²⁸ Ki khun shynrang u Abraham: u Isaak, bad u Ishmael.

²⁹ Kine ki long ki jingkha pateng jong ki: u khun nyngkong jong u Ishmael, u Nebaioth; hadien kata, u Kedar, bad u Abdil, bad u Mibsam,

³⁰ u Mishma, bad u Dumah, u Massa, u Hadad, u Tema,

³¹ u Jetur, u Naphish, bad u Kedemah. Kine ki long ki khun shynrang u Ishmael.

³² Bad ki khun shynrang ka Keturah, ka tnga kliar u Abraham: ka la kha ïa u Simran, bad ïa u Jokshan, bad ïa u Medan, bad ïa u Midian, bad ïa u Ishbak, bad ïa u Shuah. Bad ki khun shynrang u Jokshan: u Sheba, bad u Dedan.

³³ Bad ki khun shynrang u Midian: u Ephah, bad u Epher, bad u Hanokh, bad u Abida, bad u Eldaah. Kine baroh ki la long ki khun shynrang ka Keturah.

Kiba hiar pateng na U Iso

³⁴ Bad u Abraham u la pynkha ïa u Isaak. Ki khun shynrang u Isaak: u Iso, bad u Israel.

³⁵ Ki khun shynrang u Iso: u Eliphas, u Reuel, bad u Jeush, bad u Jalam, bad u Korah.

³⁶ Ki khun shynrang u Eliphas: u Teman, bad u Omar, u Sephi, bad u Gatam, u Kenas, bad u Timna, bad u Amalek.

³⁷ Ki khun shynrang u Reuel: u Nahath, u Serah, u Shammah, bad u Missah.

³⁸ Bad ki khun shynrang u Seir: u Lotan bad u Shobal bad u Sibeon bad u Anah, bad u Dishon bad u Eser bad u Dishan.

³⁹ Bad ki khun shynrang u Lotan: u Hori bad u Homam; bad ka Timna ka la long ka para u Lotan.

⁴⁰ Ki khun shynrang u Shobal: u Alian bad u Manahath bad u Ebal, u Shephi bad u Onam. Bad ki khun shynrang u Sibeon: u Aïah bad u Anah.

⁴¹ Ki khun shynrang u Anah: u Dishon. Bad ki khun shynrang u Dishon: u Hamran bad u Eshban bad u Ithran bad u Kheran.

⁴² Ki khun shynrang u Eser: u Bilhan bad u Saaban, u Jaakan. Ki khun shynrang u Dishan: u Us bad u Aran.

⁴³ Te kine ki long ki syiem kiba la synshar ha ka ri Edom, mynba ym pat ju synshar da u syiem halor ki khun Israel; u Bela u khun u Beor; bad ka kyrteng ka shnong jong u ka la long “ka Dinhabah”.

⁴⁴ Te u Bela u la ïap, bad u Jobab u khun u Serah uba na Bosrah u la synshar ha ka jaka jong u.

⁴⁵ Bad u Jobab u la ïap, bad u Husham uba na ka ri ki Teman u la synshar ha ka jaka jong u.

⁴⁶ Bad u Husham u la ïap, bad u Hadad u khun u Bedad, uba la pom ïa u Midian ha ka lyngkha u Moab, u la synshar ha ka jaka jong u: te ka kyrteng ka shnong jong u ka la long “ka Abith”.

⁴⁷ Bad u Hadad u la ïap, bad u Samlah uba na Masrekah u la synshar ha ka jaka jong u.

⁴⁸ Bad u Samlah u la ïap, bad u Shaul uba na Rehoboth hajan ka Wah u la synshar ha ka jaka jong u.

⁴⁹ Bad u Shaul u la ïap, bad u Baal-hanan u khun u Akhbor u la synshar ha ka jaka jong u.

⁵⁰ Bad u Baal-hanan u la ïap, bad u Hadad u la synshar ha ka jaka jong u; te ka kyrteng ka shnong jong u ka la long “ka Pai”: bad ka kyrteng ka tnga jong u ka la long “ka Mehetabel”, ka khun ka Matred, ka khun ka Mesahab.

⁵¹ Bad u Hadad u la ïap. Bad ki doloi ka Edom ki la long; u Timna doloi, u Aliah doloi, u Jetheth doloi;

⁵² u Oholibamah doloi, u Elah doloi, u Pinon doloi;

⁵³ u Kenas doloi, u Teman doloi, u Mibsar doloi;

⁵⁴ u Magdiel doloi, u Iram doloi. Kine ki long ki doloi ka Edom.