SALM 93 - Khasi CL Bible (BSI)

U Blei u Syiem

¹ U Trai u long u syiem. U kup da ka main longsyiem bad ka bor. Ïa ka pyrthei la pynskhem ha la ka jaka bad ym lah ban pynkhih ïa ka.

² Ka khet jong me, A Trai, ka la long kaba skhem naduh mynnyngkong, bad me la long shuwa ka jingsdang ka por.

³ Ki jingjylliew ka duriaw ki sawa jam, A Trai; ki sawa jam bad ki kyrhuh.

⁴ U Trai u synshar hakhlieh eh ha bneng, kham khraw ban ïa ka jingkyrhuh jong ka duriaw-bah, kham donbor ban ïa ki jingat phyllung jong ka duriaw.

⁵ Ki aiñ jong me ki neh bymjukut, A Trai, bad ka Templ jong me ka long kaba khuid da shisha, junom la junom.