SALM 88 - Khasi CL Bible (BSI)

Ka jingkyang ban ïoh jingïarap

¹ A Trai U Blei, u nongpynim jong nga, nga kyang baroh shi sngi, bad mynmiet nga wan ha khmat jong me.

² To sngap ïa ka jingduwai jong nga; A to shahshkor ïa ka jingkyang jong nga ban ïoh jingïarap!

³ Shibun eh ki jingjynjar ki la wan hap ha nga, haduh ba nga la jan ïap.

⁴ Nga long kum kita baroh kiba la jan ïap; baroh ka jingkhlaiñ jong nga ka la duh.

⁵ Nga long uba la shah iehnoh hapdeng kiba ïap, nga long kum uba la shah pynïap uba thiah ha ki jingtep jong ki, kito ïa kiba me la klet jynduh, kiba long sha lyndet ka jingïarap jong me.

⁶ Me la bret ïa nga sha kiba jylliew ka jingtep, sha ka kaba dum tliw tliw bad ka 'liewlong bajylliew.

⁷ Ka jingbitar jong me ka bankhia ïa nga; bad ïa nga la pynlwet hapoh ki jingat phyllung jong ka.

⁸ Me la pynlong ïa ki paralok jong nga ban iehnoh ïa nga; me la pynlong ïa nga ka jingisaitmet ha ki. Nga la shah setkut ba ngam lah shuh ban lait; ki khmat jong nga ki la tlot na ka jingshah shitom.

⁹ Man ka sngi nga khot kyrpad ïa me, A Trai; bad nga rah la ki kti sha me ha ka jingduwai.

¹⁰ Hato men leh ki kambah ïa kiba ïap? Hato kin ïeng joit bad ïaroh ïa me?

¹¹ Hato ka jingieit baneh jong me kan kren hapoh jingtep ne ka jingïaineh jong me ha ka jaka jong ka jingjot?

¹² Hato ïa ki kambah jong me yn ïohi ha kata ka jaka ka jingdum, ne ïa ka jingbha jong me ha ka ri jong kita kiba la klet?

¹³ A Trai, nga khot kyrpad ïa me ban ïoh jingïarap; man ka step nga duwai ha me.

¹⁴ Balei me kyntait ïa nga, A Trai? Balei me phai noh na nga?

¹⁵ Naduh ba nga dang samla, nga la shahshitom bad nga la jan ïap, nga la thait ïan na ka jingkit jong ki jingpynshitom jong me.

¹⁶ Ka jingbitar shla jong me ka pynlwet jin ïa nga; ki jingtur ïaleh bashyrkhei jong me ki pynjot ïa nga.

¹⁷ Ki kerkut ïa nga kum ka jingshlei um baroh shi sngi; ki khangkdong ïa nga na baroh ki liang.

¹⁸ Me la pynlong wat ki paralok bajan tam eh jong nga ban iehnoh ïa nga; bad ka jingdum ka long tang ma ka, ka paralok jong nga.