SALM 70 - Khasi CL Bible (BSI)

Ka jingduwai ban ïoh jingïarap

¹ To pynim ïa nga, A Blei! A Trai, to ïarap ïa nga mynta!

² Ai ba kito kiba pyrshang ban pynïap ïa nga kin shahjop bad kin shaïong. Ai ba kito kiba kmen namar ki jingjynjar jong nga yn pynphai dien bad pynjahburom.

³ Ai ba kito kiba kynkok ïa nga, kin sngewkhuslai da ka jingshahjop jong ki.

⁴ Ai ba baroh kiba wan sha me kin shadkmen bad lehkmen. Ai ba baroh kiba sngewnguh ïa ka jingpynim jong me kin ïai-ong, “A katno uba khraw u long U Blei!”

⁵ Nga long uba tlot bad uba duk; to wan kloi sha nga, A Blei! Me long u nongpynim jong nga, A Trai — to pynkloi ban ïarap ïa nga!