SALM 52 - Khasi CL Bible (BSI)

Ka jingbishar bad ka jingaiei U Blei

¹ Balei ba me sngewmeng, ko me uba khraw, ïa ki jingbymman jong me? Ka jinglong baïaineh jong U Blei ka neh junom.

² Me pynlong ïa ki jingthmu ban pynjot ïa kiwei; u thylliej jong me u long kum ka syrti banep. Me pynmih borabor ïa ki jingshukor.

³ Me kham ieit ïa kaba sniew ban ïa kaba bha bad ïa kaba lamler ban ïa ka jingshisha.

⁴ Me ieit ban pynmong briew da ki ktien jong me, ko me uba shukor!

⁵ Kumta U Blei un pynjot ïa me junom; un bat ïa me ha lade bad knieh kynthet ïa me na ka ïing jong me; un weng noh ïa me na ka pyrthei kiba im.

⁶ Ki briew kiba hok kin ïohi ïa kane bad kin sheptieng; nangta kin rkhie ïa me bad kin ong,

⁷ “Ha Khmih, hangne don u briew u bym shym shaniah ha U Blei na ka bynta ka jingshngain, hynrei u shaniah pynban ha ka jingkynrei ka spah jong u bad u wad ïa ka jingïada ha ka jingbymman.”

⁸ Hynrei nga long kum u dieng Olib uba san ha ka ïing U Blei; nga shaniah ha ka jingieit baneh jong u junom la junom.

⁹ Ngan ainguh ïa me borabor, A Blei, na ka bynta kaei kaba me la leh; ha khmat ki briew jong me ngan pynbna ba me long uba bha.