SALM 43 - Khasi CL Bible (BSI)

Ka jingduwai jong u briew ha ka jingshah ringmraw (Kaba bteng ïa ka Salm kaba 42)

¹ A Blei, to pynbna ba nga long uba lui lui, bad ïasaid da ïa nga na ki bymriewblei; pyllait ïa nga na ki briew kiba shukor bad kiba sniew!

² Me long u nongïada jong nga; balei ba me la iehnoh ïa nga? Balei ba ngan ïaishah shitom na ka jingshyrkhei ki nongshun jong nga?

³ Phah ïa ka jingshai jong me bad ka jingshisha jong me; to ai ba kin ïalam ïa nga bad wallam pat ïa nga sha Seïon, u lum bakyntang jong me, bad sha ka Templ jong me, ha kaba me shong.

⁴ Te ngan leit sha ka duwan jong me, A Blei; me long ka thymmei jong ka jingkmen jong nga. Ngan tem ïa ka duitara jong nga bad rwai ka jingïaroh ïa me, A Blei, U Blei jong nga.

⁵ Balei ba nga sngewsih haduh katta katta? Balei ba nga sngew jynjar sat? Ngan buh ïa ka jingkyrmen jong nga ha U Blei, bad sa shisien pat ngan ïaroh ïa u, U nongpynim jong nga bad U Blei jong nga.