SALM 4 - Khasi CL Bible (BSI)

Ka jingduwai janmiet ban ïoh jingïarap

¹ To jubab ïa nga haba nga duwai, A Blei, u nongïada jong nga! Haba nga don ha ka jingjynjar, me la ïarap ïa nga. To lehsbun ïa nga mynta bad to sngew ïa ka jingduwai jong nga.

² Slem katno phi ki briew phin ibeiñ ïa nga? Slem katno phin ieit ïa kaei ka bymdondor bad ïabeh ïa ka bymshisha?

³ To kynmaw ba U Trai u la jied ïa uba hok na ka bynta ïa lade hi, bad u sngew ïa nga haba nga khot ïa u.

⁴ To khynñiuh da ka jingtieng bad sangeh ban leh pop; da puson bha ïa kane, haba phi thiah ha ka jingjar jar ha la ki jingthiah.

⁵ Ai ki jingkñia kiba dei ha U Trai, bad buh ïa ka jingshaniah jong phi ha U.

⁶ Don bun kiba duwai: “Ai ha ngi bun ki jingkyrkhu, A Trai. To khmih halor jong ngi da ka jingbhasbun!”

⁷ Hynrei ka jingkmen kaba me la ai ha nga ka kham bun ban ïa kaba kin ïoh da ki riewhadem bad ka waiñ jong ki.

⁸ Haba nga dem, nga leit thiah ha ka jingsuk; tang ma me hi, A Trai, me sumar janai ïa nga.