SALM 150 - Khasi CL Bible (BSI)

To ïaroh ïa U Trai !

¹ To ïaroh ïa U Trai! To ïaroh ïa U Blei ha ka Templ jong u! To ïaroh ïa ka jingkhlaiñ jong u ha bneng!

² To ïaroh ïa u namar ïa kiei kiei kiba khraw kiba u la leh. To ïaroh ïa ka jingkhraw ba-halor tam jong u.

³ To ïaroh ïa u da ki turoi. To ïaroh ïa u da ki duitara bad ki jingtem ksai.

⁴ To ïaroh ïa u da ki ksing bad ka jingshad. To ïaroh ïa u da ki duitara bad ki tangmuri.

⁵ To ïaroh ïa u da ki wiang rnong. To ïaroh ïa u da ki wiang rnong bajam.

⁶ To ïaroh ïa U Trai, phi ki jingthaw ba-im baroh! To ïaroh ïa U Trai!