SALM 149 - Khasi CL Bible (BSI)

Ka jingrwai ïaroh

¹ To ïaroh ïa U Trai! To rwai ka jingrwai bathymmai ïa U Trai; to ïaroh ïa u ha ka jingïaseng lang jong ki briew baïaineh jong u!

² To kmen, ko Israel, namar u Nongthaw jong phi; to shadkmen, ko ki briew ka Seïon, na ka bynta u syiem jong phi!

³ To ïaroh ïa ka kyrteng jong u da ka jingshad; to tem ki ksing bad ki duitara ha ka jingïaroh ïa u.

⁴ U Trai u don ka jingsngewbha ha ki briew jong u; u pyndonburom ïa kiba sngewrit da ka jingjop.

⁵ Ai ba ki briew jong U Blei kin shadkmen ha ka jingjop jong ki bad rwai da kaba kmen baroh shi miet.

⁶ Ai ba kin pyrta jam katba ki ïaroh ïa U Blei, bad ki waitlam banep ha ki kti jong ki

⁷ ban jop ïa ki hima bad ban pynshitom ïa ki jaitbynriew;

⁸ ban khum ïa ki syiem jong ki da ki kynjri, ïa ki nongïalam jong ki da ki kynjri nar;

⁹ ban pynshitom ïa ki jaitbynriew kumba U Blei u la hukum. Kane ka long ka jingjop jong ki briew jong U Blei. To ïaroh ïa U Trai!