SALM 130 - Khasi CL Bible (BSI)

Ka jingduwai ban ïoh jingïarap

¹ Na kiba jylliew ka jingduh jingkyrmen jong nga nga khot kyrpad ïa me, A Trai.

² To sngew ïa ka jingkyang jong nga, A Trai; A to shahshkor ïa ka jingkhot kyrpad jong nga ban ïoh jingïarap!

³ Lada me buh jingkheiñ ïa ki pop jong ngi, uei ban ïohlait na ka jingpynrem?

⁴ Hynrei me map ei ïa ngi, khnang ba ngi dei ban tiengburom ïa me.

⁵ Nga ap kmang ïa ka jingïarap U Trai, bad ha ka ktien jong u nga shaniah.

⁶ Nga ap khmih lynti ïa U Trai palat ban ïa kaba ki nongap miet ki ap khmih lynti ïa ka step.

⁷ Ko Israel, to shaniah ha U Trai, namar ka jingieit jong u ka long kaba ïaineh, bad u long borabor uba mon ban pynim.

⁸ Un pynim ïa ki briew jong u ki Israel na ki pop jong ki baroh.