SALM 128 - Khasi CL Bible (BSI)

Ka bainong jong ka jingkohnguh ïa U Trai

¹ Suk kita ki briew kiba kohnguh ïa U Trai, kiba im ha ki hukum jong u.

² Ka jingtrei jong phi kan pyndap ïa ki jingdonkam jong phi phin long uba suk bad phin manbha.

³ Ka tnga jong phi kan long kum u dieng sohwaiñ uba seisoh ha ka ïing jong phi, bad ki khun shynrang jong phi kin long kum ki dieng Olib kiba lung baroh sawdong ka miej jong phi.

⁴ Da kumne yn kyrkhu da shisha ïa u briew uba kohnguh ïa U Trai.

⁵ Ai ba U Trai un kyrkhu ïa phi na ka Seïon! Ai ba phin ïohi ïa ka Jerusalem ba ka manbha baroh ki sngi ka jingim jong phi!

⁶ Ai ba phin im haduh ba phin ïohi ïa ki ksiew jong phi! To long ka jingsuk ïa ki Israel!