SALM 122 - Khasi CL Bible (BSI)

Kaba ïaroh ïa ka Jerusalem

¹ Nga la kmen haba ki la ong ha nga, “Ïa ngin ïaleit sha ka ïing jong U Trai.”

² Bad mynta ngi don hangne, ngi ïeng hapoh ki khyrdop jong ka Jerusalem!

³ Ka Jerusalem ka long ka nongbah ba la tei pat ha ka rukom ba-itynnat bad ba-ryntih bha.

⁴ Kane ka long ka jaka ha kaba ki jaitbynriew ki wan, ki jaitbynriew jong ki Israel, ban ainguh ïa U Trai kat kum ka hukum jong u.

⁵ Hangne ki syiem jong ki Israel ki shong ban bishar ïa la ki briew.

⁶ To duwai na ka bynta ka jingsuk jong ka Jerusalem; “Ai ba kito kiba ieit ïa pha kin manbha.

⁷ Ai ba ka jingsuk kan don hapoh ki kynroh jong pha, bad ka jingshngain ha ki ïingsyiem jong pha.”

⁸ Na ka bynta ki ba-ha-ïing bad ki paralok, nga ong ha ka Jerusalem, “To long ka jingsuk ïa pha!”

⁹ Na ka bynta ka ïing U Trai U Blei jong ngi, nga duwai na ka bynta ka jingmanbha jong pha.