SALM 120 - Khasi CL Bible (BSI)

Ka jingduwai ban ïoh jingïarap

¹ Haba nga don ha ka jingjynjar, nga la khot kyrpad ïa U Trai; bad u la jubab ïa nga.

² To pyllait ïa nga, A Trai, na kiba lamler bad na ki nongshukor.

³ Phi ki riewlamler, aïu U Blei un leh ïa phi? Da kumno un pynshitom ïa phi?

⁴ Da ki khnam kiba nep jong u shipai, bad da u rnga uba rhem!

⁵ Ban shong hapdeng jong phi ka sniew hi kum kaba shong ha Meshekh lane hapdeng ki briew jong ka Kedar.

⁶ Nga la shong slem eh bad ki briew kiba isih ïa ka jingsuk!

⁷ Haba nga kren ïa ka jingsuk; ki pat ïa ka thma.