SALM 100 - Khasi CL Bible (BSI)

Ka jingrwai ïaroh

¹ To rwai ha U Trai, phi ka pyrthei baroh!

² To mane ïa U Trai da ka jingkmen; wan ha khmat jong u da ki jingrwai bakmen!

³ To pdiang ba U Trai u long U Blei! Dei ma u, uba la thaw ïa ngi, bad ngi long ki jong u; ngi long ki briew jong u, ngi long ka kynhun langbrot jong u.

⁴ To rung sha ki khyrdop ka Templ da ka jingainguh; leit sha ki phyllaw jong ka da ka jingïaroh. To ainguh ïa u bad to ïaroh ïa u!

⁵ U Trai u long uba bha; ka jingieit jong u ka neh bymjukut, bad ka jingïaineh jong u ka neh junom.