SALM 1 - Khasi CL Bible (BSI)

Ka Kitab Kaba Nyngkong ( Salm. 1—41 ) Ka jingsuk bashisha

¹ Suk kito kiba kyntait ïa ka jingai jingmut ki briew basniew ki bym bud ïa ka jingleh ki nongpop lane ïasoh bad kito ki bymdonkam ïa U Blei.

² Pynban, ki shem jingkmen ha kaba kohnguh ïa ka Hukum jong U Trai

³ Ki long kum ki dieng kiba mih harud ka wahduid, kiba seisoh ha ka por kaba dei, bad kiba ki sla jong ki kim tyrkhong. Ki jop ha kiei kiei baroh kiba ki leh.

⁴ Hynrei ki briew kiba sniew kim long kumne da lei lei; ki long kum u phlangïap uba ka lyer ka beh noh.

⁵ Ïa ki nongpop yn pynrem da U Blei bad yn pynïakhlad ïa ki na ki briew ki jong U Blei hi.

⁶ Ïa kiba hok la ïalam lynti bad ïada da U Trai, hynrei kiba sniew ki don ha ka lynti sha ka jingjot jong ki.