JOSHUA 15 - Khasi CL Bible (BSI)

Ka jaka ba la ai ha ka jait Judah

¹ Ki longïing jong ka jait Judah ki la ïohpdiang shi bynta ka jaka kumba la batai harum: Ka ri ka kynjoh shathie sha ka tduh eh kaba shathie jong ka ri khlaw Sin, ha ka pud jong ka Edom.

² Kane ka pud bashaphang shathie ka sdang na ka tduh kaba shathie jong ka Duriaw Baïap,

³ ka hiar shaphang shathie na ka Khim Akrabbim bad ter ter sha Sin. Ka ïaid shaphang shathie jong ka Kadesh Barnea, lyngba ïa ka Hesron bad shatei sha Addar, ka da phai sha Karka,

⁴ ter ter sha Asmon, bad ka bud ïa ka wahduid ha ka pud jong ka Ijipt sha ka Duriaw Mediterranian, ha kaba kut u. Kata ka long ka pud kaba shaphang shathie jong ka Judah.

⁵ Ka pud kaba shaphang mihngi ka dei ka Duriaw Baïap, artet haduh ka jaka ha kaba ka Jordan ka tuid sha ka. Ka pud kaba shaphang shatei ka sdang nangta,

⁶ ka ïar sha Beth Hoglah, nangta ka ïaid shaphang shatei jong ka kynjang ha kaba lah ban ïohi ïa ka Them Jordan. Nangta ka kiew artet sha u Maw jong u Bohan (u Bohan u dei u khun jong u Reuben),

⁷ na ka Them Jingjynjar artet sha Debir, bad nangta ka phai shatei sha Gilgal, kaba marpyrshah ka Khim Adummim ha ka phang bashathie jong ka them. Nangta ka ïaid sha ki umpohliew ka Enshemesh, ka mih sha Enrogel;

⁸ bad artet lyngba ka Them Hinnom ter ter sha ka phang bashathie jong u lum ha kaba don ka nongbah Jerusalem jong ki Jebus. Nangta u pud u kiew artet sha ka kliar u lum ha ka phang sepngi jong ka Them Hinnom, ha ka tduh bashatei jong ka Them Rephaim.

⁹ Na kata u suh sha ki umpohliew ka Nephtoah bad mih sha ki nongbah hajan u Lum Ephron. Hangta u phai sha Baalah (lane Kiriath Jearim)

¹⁰ ha kaba u tawiar shaphang sepngi jong ka Baalah sha ka ri lum jong ka Edom, ter ter sha ka phang bashatei jong u Lum Jearim (lane Khesalon), arsut sha Beth Shemesh, bad ter ter lyngba ka Timnah.

¹¹ Nangta u pud u suh sha u lum shaphang shatei jong ka Ekron, u phai sha ka Shikkeron, lyngba u Lum Baalah, bad ter ter sha Jamnia. U kut ha ka Duriaw Mediterranian,

¹² kaba pynlong ïa ka pud sepngi. Hapoh kine ki pud sawdong ki shong ki sah ki briew kiba na ki longïing u Judah.

U Kaleb u jop ïa ka Hebron bad ka Debir

¹³ Kumba U Trai u la hukum ïa u Joshua, la ai shi bynta na ka jaka jong ka Judah ha u Kaleb u khun jong u Jephunneh, na ka jait Judah. U la ïohpdiang ïa ka Hebron, ka nongbah kaba dei jong u Arba, u kpa jong u Anak.

¹⁴ U Kaleb u beh krad ïa ki khun ki ksiew jong u Anak na ka nongbah — ki kur Sheshai, Ahiman, bad Talmai.

¹⁵ Nangta u leit tur ïaleh ïa ki briew kiba shong ha Debir. (Ïa kane ka nongbah la ju khot ka Kiriath Sepher.)

¹⁶ U Kaleb u ong, “Ngan ai ïa ka khun jong nga, ka Akhsah ban shongkurim ïa u briew uba jop ha kaba ïohknieh ïa ka Kiriath Sepher.”

¹⁷ U Othniel, u khun jong u Kenas, uba shi para bad u Kaleb, u la ïohknieh ïa ka nongbah, kumta u Kaleb u ai ïa ka Akhsah ha u ban shongkurim.

¹⁸ Ha ka sngi kyntiew kurim, u Othniel u kyntu ïa ka ban pan lyngkha na u kpa jong ka. Ka la hiar na ka kada ba ka shong, bad u Kaleb u kylli aïu ba ka kwah.

¹⁹ Ka jubab, “Nga kwah katto katne ki pukri um. Ka jaka ba phi ai ïa nga ka don ha ka ri ryngkhiang.” Kumta u Kaleb u ai ha ka ïa ki umpohliew kiba haneng bad kiba harum.

Ki nongbah jong ka Judah

²⁰ Kane ka long ka ri ba ki longïing jong ka jait Judah ki la ïohpdiang kum ka jingïohkynti jong ki.

²¹ Ki nongbah kiba sha jngai eh shaphang shathie kiba dei ki jong ki, kito kiba hajan u pud jong ka Edom, ki long ka Kabseel, ka Eder, ka Jagur,

²² ka Kinah, ka Dimonah, ka Adadah,

²³ ka Kedesh, ka Hasor, ka Ithnan,

²⁴ ka Siph, ka Telem, ka Bealoth,

²⁵ ka Hasor Hadattah, ka Kerioth Hesron (lane ka Hasor),

²⁶ ka Amam, ka Shema, ka Moladah,

²⁷ ka Hasar Gaddah, ka Heshmon, ka Bethpelet,

²⁸ ka Hasar Shual, ka Beersheba, ka Bisiothaïah,

²⁹ ka Baalah, ka Iim, ka Esem,

³⁰ ka Eltolad, ka Khesil, ka Hormah,

³¹ ka Siklag, ka Madmannah, ka Sansannah,

³² ka Lebaoth, ka Shilhim, ka Ain bad ka Rimmon: baroh lang ki long arphew khyndai tylli ki nongbah, lem bad ki nongrit kiba don sawdong jong ki.

³³ Ki nongbah ha kjat ki lum ki long ka Eshtaol, ka Sorah, ka Ashnah,

³⁴ ka Sanoah, ka Engannim, ka Tappuah, ka Enam,

³⁵ ka Jarmuth, ka Adullam, ka Sokoh, ka Asekah,

³⁶ ka Shaaraim, ka Adithaim, ka Gederah, bad ka Gederothaim: khatsaw tylli ki nongbah lem ruh bad ki nongrit kiba don sawdong jong ki.

³⁷ Don ruh ka Senan, ka Hadashah, ka Migdalgad,

³⁸ ka Dilean, ka Mispah, ka Joktheel,

³⁹ ka Lakhish, ka Boskath, ka Eglon,

⁴⁰ ka Kabbon, ka Lahmam, ka Shitlish,

⁴¹ ka Gederoth, ka Bethdagon, ka Naamah, bad ka Makkedah: khathynriew tylli ki nongbah lem ruh bad ki nongrit kiba don sawdong jong ki.

⁴² Don ruh ka Libnah, ka Ether, ka Ashan,

⁴³ ka Iphtah, ka Ashnah, ka Nesib,

⁴⁴ ka Keilah, ka Akhsib, bad ka Mareshah: khyndai tylli ki nongbah lem ruh bad ki nongrit kiba sawdong jong ki.

⁴⁵ Don ka Ekron lem bad ki nongbah bad ki nongrit jong ka,

⁴⁶ bad baroh ki nongbah bad ki nongrit kiba hajan ka Ashdod, naduh Ekron haduh ka Duriaw Mediterranian.

⁴⁷ Don ka Ashdod bad ka Gasa, lem bad ki nongbah bad ki nongrit jong ki, kiba kynjoh sha ka wahduid ha khappud jong ka Ijipt bad ka rud jong ka Duriaw Mediterranian.

⁴⁸ Ha ka ri lum don ka Shamir, ka Jattir, ka Sokoh,

⁴⁹ ka Dannah, ka Kiriath Sepher (lane ka Debir),

⁵⁰ ka Anab, ka Eshtemoa, ka Anim,

⁵¹ ka Goshen, ka Holon, bad ka Giloh: khatwei tylli ki nongbah lem bad ki nongrit sawdong jong ki.

⁵² Don ka Arab, ka Dumah, ka Eshan,

⁵³ ka Janim, ka Beth Tappuah, ka Aphekah,

⁵⁴ ka Humtah, ka Hebron, bad ka Sior: khyndai tylli ki nongbah lem bad ki nongrit sawdong jong ki.

⁵⁵ Don ka Maon, ka Karmel, ka Siph, ka Juttah,

⁵⁶ ka Jesreel, ka Jokdeam, ka Sanoah,

⁵⁷ ka Kain, ka Gibeah, bad ka Timnah: shiphew tylli ki nongbah lem bad ki nongrit sawdong jong ki.

⁵⁸ Don ka Halhul, ka Bethsur, ka Gedor,

⁵⁹ ka Maarath, ka Bethanoth, bad ka Eltekon: hynriew tylli ki nongbah lem bad ki nongrit sawdong jong ki.

⁶⁰ Don ka Kiriath Baal (lane ka Kiriath Jearim) bad ka Rabbah: ar tylli ki nongbah lem bad ki nongrit sawdong jong ki.

⁶¹ Ha ka ri shyiap don ka Beth Arabah, ka Middin, ka Sekakah,

⁶² ka Nibshan, ka nongbah Mluh, bad ka Engedi: hynriew tylli ki nongbah lem bad ki nongrit sawdong jong ki.

⁶³ Hynrei ki paid Judah kim shym la lah ban beh noh ïa ki Jebus kiba shong ha Jerusalem. Ki Jebus ki dang shong dang sah hangta lem bad ki paid Judah.