JEREMAÏAH 45 - Khasi CL Bible (BSI)

Ka jingkular U Blei ïa u Barukh

¹ Ha snem kaba saw ba u Jehoïakim u khun jong u Josaïah u long u syiem ka Judah, u Barukh u thoh ïa kaei kaba nga la ong ha u.

^2-3 Nangta u ïathuh ïa nga ba U Trai, U Blei ki Israel, u la ong, “Barukh, me ong, ‘Nga la ngiah! U Trai u la ban ïa ka jingsngewsih halor ki jingjynjar jong nga. Nga la thait na kaba shu ud, bad ngam shem kano kano ka jingjahthait!’

⁴ “Hynrei ma nga, U Trai, nga la pyntwa noh ïa kaei kaba nga la tei bad rat noh ïa kaei kaba nga la thung. Ngan leh ïa kane ha ka pyrthei baroh kawei.

⁵ Hato me khmih lynti ïa ka jingleh bakyrpang na ka bynta ïa lade? Wat leh ïa kata. Nga wallam ïa ka jingjot ha u khunbynriew baroh, hynrei men pyllait ïa ka jingim kat shaba me leit. Ma nga, U Trai, nga la kren.”