EKLESIASTIS 9 - Khasi CL Bible (BSI)

¹ Nga la pyrkhat slem bad pyrkhat shitom ïa kane baroh bad nga la ïohi ba U Blei u synshar ïa ki jingleh jong ki briew kiba stad bad bahok, wat ïa ka jingieit bad ka jingisih jong ki. Ym don mano mano batip ei ei shaphang kaei kaba don ha khmat jong u.

² Kam don kano kano ka jingpher. Kajuh ka kupar ka wan ha uba hok bad ha uba bymman, ha uba bha bad ha uba sniew, ha kito kiba riewblei bad ha kito ki bymriewblei, ha kito kiba ai ki jingkñia bad ha kito ki bym ai. U briew babha um da ïapher eh na u nongpop; uta uba smai um ïapher eh na uta u bym smai.

³ Kawei ka kupar ka wan kumjuh ha baroh, bad kane ka long kaba bakla kum kano kano kaba jia ha kane ka pyrthei. Katba ki briew ki dang im, ki jingmut jingpyrkhat jong ki, ki dap da ka jingsniew bad ka jinglamwir, bad kynsan kynsan ki ïap.

⁴ Hynrei uno uno uba im ha ka pyrthei kiba im u don katto katne ka jingkyrmen; u ksew uba im u kham bha ban ïa u sing ba la ïap.

⁵ Ho-oid kiba im ki tip ba kin ïap, hynrei kiba ïap kim tip ei ei. Kim don shuh kano kano ka bainong; ki long kiba ym don shuh mano mano ba kynmaw.

⁶ Ki jingieit jong ki, ki jingisih jong ki, ki jingkwah jong ki, baroh ki ïap lem bad ki. Kin ym lah shuh da lei lei ban ïashim bynta ha kano kano kaba jia ha kane ka pyrthei.

⁷ To leh — bam ïa ka jingbam jong phi bad long uba kmen; dih ïa ka waiñ jong phi bad to long kiba dap da ka jingkmen. Ka long kaba biang bad U Blei.

⁸ Borabor pynpaw ïa ka jingkmen bad ba-dap da ka jingkmen.

⁹ To lehkmen ha ka jingim bad ka briew kaba phi ieit, katba phi dang im ka jingim ka bymmyntoi kaba U Blei u la ai ha phi ha kane ka pyrthei. Lehkmen ïa kawei pa kawei ka sngi bymmyntoi jong ka, namar kata baroh ka long kaba phin ïoh na ka bynta ka jingjynjar jong phi baroh.

¹⁰ Trei shitom ha kaei kaei kaba phi leh, namar yn ym don kano kano ka jingtrei, ka jingpyrkhat, ka jingtip, ka jingstad ha ka pyrthei kiba ïap — bad kata ka dei sha kaba phi leit.

¹¹ Nga la sngewthuh sa kawei pat, ba ha kane ka pyrthei ki nongmareh kiba stet kim ju ïai jop sah ïa ki jingïamareh thong, bad kiba shlur kim ju ïai jop sah ïa ka thma. Ki briew kiba stad kim ju ïai kamai sah ban im, ki briew kiba proh jingmut kim ju ïai ïoh spah, bad ki briew kiba lah ban leh ei ei kim ju ïai kiew sha ki kyrdan bashalor. Ka kupar basniew ka jia ha uwei pa uwei.

¹² Phim tip da lei lei lano ka por jong phi ka wan. Kum ki sim kiba la ngat kynsan ha ki jingriam, kum ki dohkha kiba la ngat ha ka jar, ngi la shah riam ha ki katto katne ki khep basniew ha kaba ngim shym khmih lynti satia ïa kata.

Ki jingpyrkhat halor ka jingstad bad ka jingbieit

¹³ Don sa kaei kaei kawei pat kaba nga la ïohi, ka nuksa kaba bha shaphang kumno ïa ka jingstad la ñiew ha kane ka pyrthei.

¹⁴ La don kawei ka shnong kaba rit ka bym da don bun ngut ki briew hapoh jong ka. U syiem uba khlaiñ u la tur ïaleh ïa ka. U la kerkut ïa ka bad u la pynkhreh ban pynpra lyngba ïa ki kynroh.

¹⁵ La don u briew uba duk uba sah hangta, hynrei uba sian katta katta ba u jin da lah ban pyllait im ïa ka shnongrit. Hynrei ym don uwei ruh uba pyrkhat shaphang jong u.

¹⁶ Nga la ïai-ong borabor ba ka jingstad ka kham bha ban ïa ka jingkhlaiñ, hynrei ym don mano mano ba pyrkhat ïa u briew uba duk ba u long uba stad lane pynshahshkor ei ei ïa kaei kaba u ong.

¹⁷ Ka long kaba kham bha ban shahshkor ïa ki ktien kiba jar jar jong uno uno uba stad ban ïa ki jingpyrta jong u nongsynshar ha ka dorbar jong ki bieit.

¹⁸ Ka jingstad ka kham lehbha shibun ban ïa ki atiar ïaleh, hynrei uwei u nongpop u lah ban pynduh shibun ka jingbha.