1 KHRONIKL 8 - Khasi CL Bible (BSI)

Ki khun ki ksiew jong u Benjamin

¹ U Benjamin u don san ngut ki khun shynrang. Ter ter kat kum ka rta ki long u Bela, u Ashbel, u Aharah,

² u Nohah, bad u Rapha.

³ Ki khun ki ksiew jong u Bela ki long u Addar, u Gera, u Abihud,

⁴ u Abishua, u Naaman, u Ahoah,

⁵ u Gera, u Shephuphan, bad u Huram.

^6-7 Ki khun ki ksiew jong u Ehud ki long u Naaman, u Ahijah, bad u Gera. Ki dei ki khlieh jong ki longïing kiba shong basah ha Geba, hynrei kiba la shah pynmih da ka bor bad leit ban shong ban sah ha Manahath. U Gera, u kpa jong u Ussa bad u Ahihud u ïalam ïa ki ha kane ka jingkynriah jaka.

^8-9 U Shaharaim u la pyllait noh ïa ki ar ngut ki tnga, ka Hushim bad ka Baara. Hadien kaba u la shong la sah ha ka ri Moab, u shongkurim ïa ka Hodesh bad u don hynñiew ngut ki khun shynrang: u Jobab, u Sibia, u Mesha, u Malkam, u Jeus, u Sakhia, bad u Mirmah.

¹⁰ Ki khun shynrang jong u baroh ki dei ki khlieh jong ki longïing.

¹¹ Na ka Hushim u don ruh ar ngut ki khun shynrang u Abitub bad u Elpaal.

¹² U Elpaal u don lai ngut ki khun shynrang: U Eber, u Misham, bad u Shemed. Dei u Shemed uba tei ïa ki nongbah ka Ono bad ka Lod bad ïa ki nongrit kiba sawdong jong ki.

Ki Benjamin ha Gath bad Aijalon

¹³ U Beraïah bad u Shema ki dei ki khlieh jong ki longïing kiba shong basah ha ka nongbah Aijalon, bad kiba la beh noh ïa ki briew kiba shong basah ha Gath.

^14-16 Ki khun ki ksiew jong u Beraïah ki kynthup ïa u Ahio, u Shashak, u Jeremoth, u Sebadaïah, u Arad, u Eder, u Mikhael, u Ishpah bad u Joha.

Ki Benjamin ha Jerusalem

¹⁷ Ki khun ki ksiew jong u Elpaal ki kynthup ïa u Sebadaïah, u Meshullam, u Hiski, u Heber,

¹⁸ u Ishmerai, u Islaïah, bad u Jobab.

^19-21 Ki khun ki ksiew jong u Shimei ki kynthup ïa u Jakim, u Sikhri, u Sabdi, u Elienai, u Sillethai, u Eliel, u Adaïah, u Beraïah, bad u Shimrath.

^22-25 Ki khun ki ksiew jong u Shashak ki kynthup ïa u Ishpan, u Eber, u Eliel, u Abdon, u Sikhri, u Hanan, u Hananaïah, u Elam, u Anthothijah, u Iphdeïah, bad u Penuel.

^26-27 Ki khun ki ksiew jong u Jeroham ki kynthup ïa u Shamsherai, u Sheharaïah, u Athalaïah, u Jaareshaïah, u Elijah, bad u Sikhri.

²⁸ Kine ki dei ki kpa tymmen kiba long ki khlieh jong ki longïing kat kum ki pateng jong ki, bad ki dei ruh ki riewpawkhmat kiba shong basah ha Jerusalem.

Ki Benjamin ha Gibeon bad Jerusalem

²⁹ U Jeiel u la seng ïa ka nongbah Gibeon, bad u shongduh hangta. Ka tnga jong u ka kyrteng ka Maakah,

³⁰ bad u khun nyngkong jong u, u Abdon. Kiwei pat ki khun shynrang jong u ki dei u Sur, u Kish, u Baal, u Ner, u Nadab,

³¹ u Gedor, u Ahio, u Sekher, bad u Mikloth, u kpa jong u Shimeah.

³² Ki khun ki ksiew jong ki, ki shong ki sah ha Jerusalem, marjan bad kiwei pat ki longïing jong ka kur jong ki.

Ka longïing jong u syiem Saul

³³ U Ner u dei u kpa jong u Kish, bad u Kish u dei u kpa jong u syiem Saul. U Saul u don saw ngut ki khun shynrang: u Jonathan, u Malkhishua, u Abinadab, bad u Eshbaal.

³⁴ U Jonathan u dei u kpa jong u Meribbaal, uba dei u kpa jong u Mikah.

³⁵ U Mikah u don saw ngut ki khun shynrang: u Pithon, u Melekh, U Tarea, bad u Ahas.

³⁶ U Ahas u dei u kpa u Jehoaddah, uba dei u kpa jong lai ngut ki khun shynrang: u Alemeth, u Asmabeth, bad u Simri. U Simri u dei u kpa jong u Mosa,

³⁷ u Mosa u dei u kpa jong u Binea, u Binea u dei u kpa jong u Raphah, u Raphah u dei u kpa jong u Eleasah, bad u Eleasah u dei u kpa jong u Asel.

³⁸ U Asel u don hynriew ngut ki khun shynrang: u Asrikam, u Bokheru, u Ishmael, u Shearaïah, u Obadaïah, bad u Hanan.

³⁹ U Eshek u para u Asel u don lai ngut ki khun shynrang: u Ulam, u Jeush, bad u Eliphelet.

⁴⁰ Ki khun shynrang jong u Ulam ki dei ki shipai kiba kham paw bad ki nongsiatkhnam. U don shispah sanphew ngut ki khun ki ksiew baroh. Kito baroh kiba la ai kyrteng haneng ki dei kiba na ka jait Benjamin.