1 KHRONIKL 7 - Khasi CL Bible (BSI)

Ki khun ki ksiew jong u Issakhar

¹ U Issakhar u don saw ngut ki khun shynrang: u Tola, u Puah, u Jashub, bad u Shimron.

² U Tola u don hynriew ngut ki khun shynrang: u Ussi, u Rephaïah, u Jeriel, u Jahmai, u Ibsam, bad u Shemuel. Ki dei ki khlieh jong ki longïing kiba na ka kur Tola, bad ki dei ruh ki shipai bapawnam. Ha ka por u syiem Dabid, ki khun ki ksiew jong ki, ki don arphew ar hajar hynriewspah ngut.

³ U Ussi u don uwei u khun, u Israhaïah. U Israhaïah bad ki khun shynrang jong u saw ngut, u Mikhael, u Obadaïah, u Joel, bad u Isshaïah, ki dei baroh ki khlieh jong ki longïing.

⁴ Ki ïoh shibun ki tnga bad ki khun, haduh ba ki khun ki ksiew jong ki, ki lah ban pynmih laiphew hynriew hajar ngut ki rangbah na ka bynta ka kam shipai.

⁵ Ki jingbuh jingthoh ïa baroh ki longïing jong ka jait Issakhar ki don phraphew hynñiew hajar ngut ki rangbah kiba bit na ka bynta ka kam shipai.

Ki khun ki ksiew jong u Benjamin bad u Dan

⁶ U Benjamin u don lai ngut ki khun shynrang: U Bela, u Bekher, bad u Jediael.

⁷ U Bela u don san ngut ki khun shynrang: u Esbon, u Ussi, u Ussiel, u Jerimoth, bad u Iri. Ki dei ki khlieh jong ki longïing ha ka kur bad ki dei baroh ki shipai bapawnam. Ki khun ki ksiew jong ki, ki kynthup ïa ki arphew ar hajar laiphew saw ngut ki rangbah kiba bit na ka bynta ka kam shipai.

⁸ U Bekher u don khyndai ngut ki khun shynrang: u Semirah, u Joash, u Elieser, u Elioenai, u Omri, u Jeremoth, u Abijah, u Anathoth, bad u Alemeth.

⁹ Ka jingbuh jingthoh ïa ki khun ki ksiew da ki longïing ki long arphew hajar arspah ngut ki rangbah kiba bit na ka bynta ka kam shipai.

¹⁰ U Jediael u don uwei u khun, u Bilhan, bad u Bilhan u don hynñiew ngut ki khun shynrang: u Jeush, u Benjamin, u Ehud, u Khenaanah, u Sethan, u Tarshish, bad u Ahishahar.

¹¹ Ki dei ki khlieh jong ki longïing ha ka kur bad ki dei baroh ki shipai bapawnam. Ki khun ki ksiew jong ki, ki kynthup khathynñiew hajar arspah ngut ki rangbah kiba bit na ka bynta ka kam shipai.

¹² U Shuppim bad u Huppim ruh ki long na kane ka jait. U Dan u don uwei u khun, u Hushim.

Ki khun ki ksiew jong u Naphtali

¹³ U Naphtali u don saw ngut ki khun shynrang: u Jahsiel, u Guni, u Jeser, bad u Shallum. (Ki dei ki khun ki ksiew na ka Bilhah.)

Ki khun ki ksiew jong u Manasseh

¹⁴ Na ka tnga kliar jong u, ka nong Aram, u Manasseh u don ar ngut ki khun shynrang, u Asriel bad u Makhir. U Makhir u dei u kpa u Gilead.

¹⁵ U Makhir u pynïoh kawei ka tnga ïa u Huppim bad kawei pat ïa u Shuppim. Ka para jong u ka kyrteng ka Maakah. U khun uba ar jong u Makhir u dei u Selophehad, bad u don tang ki khun kynthei.

¹⁶ Ka Maakah, ka tnga u Makhir, ka kha ar ngut ki khun shynrang, kiba ka ai kyrteng ïa ki u Peresh bad u Sheresh. U Peresh u don ar ngut ki khun shynrang, u Ulam bad u Rakem,

¹⁷ bad u Ulam u don uwei u khun uba kyrteng u Bedan. Kine baroh ki long ki khun ki ksiew na u Gilead, u khun jong u Makhir, bad u ksiew jong u Manasseh.

¹⁸ Ka Hammolekheth, ka para u Gilead, ka ïoh lai ngut ki khun shynrang: u Ishod, u Abieser, bad u Mahlah.

¹⁹ (U Shemida u don saw ngut ki khun shynrang: u Ahian, u Shekhem, u Likhi, bad u Aniam.)

Ki khun ki ksiew jong u Ephraim

²⁰ Kine ki long ki khun ki ksiew u Ephraim na ka pateng sha ka pateng: u Shuthelah, u Bered, u Tahath, u Eleadah, u Tahath, u Sabad, u Shuthelah.

²¹ U Ephraim u don sa ar ngut ki khun shynrang nalor u Shuthelah: u Eser bad u Elead, kiba la shah pynïap haba ki la pyrshang ban tuh ïa ki jingri kiba dei jong ki traishnong jong ka Gath.

²² U Ephraim u kpa jong ki u ïambriew na ka bynta jong ki bun sngi, bad ki ba-ha-ïing jong u ki wan pyntngen ïa u.

²³ Nangta u la ïathiah shongkha biang bad ka tnga jong u, bad ka la armet bad ïoh khun shynrang. Ki khot kyrteng ïa u, u Beraïah, namar ka jingjynjar ka la ngat ha ka longïing jong ki.

²⁴ U Ephraim u don kawei ka khun kaba kyrteng ka Sheerah. Ka tei ïa ki shnong jong ka Beth Horon Neng bad ka Beth Horon Rum, bad ïa ka Ussen Sheerah.

²⁵ U Ephraim u don ruh uwei u khun uba kyrteng u Rephah, uba ki khun ki ksiew jong u ki long kumne harum: u Resheph, u Telah, u Tahan,

²⁶ u Ladan, u Ammihud, u Elishama,

²⁷ u Nun, u Joshua.

²⁸ Ka ri ha kaba ki shim bad shongduh ka kynthup ïa ka Bethel bad ki shnong kiba sawdong jong ka naduh shaphang mihngi ka Naaran bad haduh shaphang sepngi ka Geser bad ki shnong sawdong jong ka. Ka kynthup ruh ïa ki nongbah ka Shekhem bad ka Ayyah bad ki shnong sawdong jong ka.

²⁹ Ki khun ki ksiew u Manasseh ki pynïaid ïa ki nongbah jong ka Beth Shan, ka Taanakh, ka Megiddo, bad ka Dor, bad ki shnong kiba sawdong jong ki. Kine baroh ki dei ki jaka ha kiba ki khun ki ksiew jong u Joseph, u khun jong u Jakob, ki shong ki sah.

Ki khun ki ksiew jong u Asher

³⁰ Kine ki long ki khun ki ksiew jong u Asher. U don saw ngut ki khun shynrang: u Imnah, u Ishbah, u Ishbi, bad u Beraïah, bad kawei ka khun, ka Serah.

³¹ U Beraïah u don ar ngut ki khun shynrang, u Heber bad u Malkhiel. (U Malkhiel u seng ïa ka nongbah Birsaith.)

³² U Heber u don lai ngut ki khun shynrang: u Japhlet, u Shomer, bad u Hotham, bad kawei ka khun, ka Shua.

³³ U Japhlet ruh u don lai ngut ki khun shynrang: u Pasakh, u Bimhal, bad u Ashbath.

³⁴ U Shomer u para jong u, u don lai ngut ki khun shynrang: u Rohgah, u Jehubbah, bad u Aram.

³⁵ U Hotham u para jong u, u don saw ngut ki khun shynrang: u Sophah, u Imna, u Shelesh, bad u Amal.

³⁶ Ki khun ki ksiew jong u Sophah ki long u Suah, u Harnepher, u Shual, u Beri, u Imrah,

³⁷ u Beser, u Hod, u Shamma, u Shilshah, u Ithran, bad u Beera.

³⁸ Ki khun ki ksiew jong u Jether ki long u Jephunneh, u Pispa, bad u Ara,

³⁹ bad ki khun ki ksiew jong u Ulla ki dei u Arah, u Hanniel, bad u Risia.

⁴⁰ Kine baroh ki long ki khun ki ksiew jong u Asher. Ki dei ki khlieh jong ki longïing, ki riewïaleh bapawnam, ki nongïalam kiba pawkhmat. Ki khun ki ksiew jong u Asher ki kynthup ïa ki arphew hynriew hajar ngut ki rangbah kiba bit na ka bynta ka kam shipai.